إشترك معنا ليصلك جديد الموقع

بريدك الإلكترونى فى أمان معنا

20 أغسطس، 2014

قال ابو خالد احمد ياهجوسي تحضر

قصيدة / احمد محمد الفقير

جواب على قصيدة الشاعر مفتاح الاسرب المغدي ...

......................

قال ابو خالد احمد ياهجوسي تحضر
قل لمفتاح لسرب يا مساء الخير والنور 

شاعر ابدع حروفه من زمرد وجوهر
يوصف احوال صنعاء بين زاعل ومسرور

ضد هادي مكانه موقفه ما تغير
لا يزال المخضرم بهل سنحان مغرور

من دعم جيش صعده بالجعب والمجنزر
غير صالح وقومه يشتو الحكم والشور

حب عفاش باقي في قياده وعسكر
عنصريه مقيته في موظف وجمهور

لا تلومون هادي لو خسر ليش يخسر
كلهم با يخونوا لا قد الحبل مزرور

الحنش لا تعور حلقت فوقه الذر
والامل يا صديقي في النزيهين محصور

لا هنا واعذر احمد كان زيد وقصر
قال راي الحقيقه لا مجامل ولا زور


...................

قال مفتاح يا هادي طلع حظك اوفر

قصيدة / مفتاح الاسرب المغدي

موجه للرئيس هادي 20/8/2014 م  ......

...................

قال مفتاح يا هادي طلع حظك اوفر
الغلط في المسمي يوم سماك منصور

واين حضرة دفاعك والوزير الموقر
صار رقمه مفرمت والحرس صار محضور

شل موال شعبك يا مغني للادور
خايف الراس يقرح واصبح القصر مهجور

بعد صنعاء تماماً عطفوا يا اهل الاودر
ما يفيد التهنجم لا قد الظهر مكسور

كان رمز العروبه بالشجاعه مخدر
واعترض في طريقه كل هافي ومسعور

واين كتلة توكل واين جهال الاحمر
هكذا النذل دايم وقتها يطلع السور

راح واروح زمانك يا علي بن مجور
ما عليكم ملامه قالها الشعب مشكور

اصبح الوضع بعدك يامجور مدهور
صار قلب المواطن يحمل الهم مقهور


...............

شاعرين كبيرين واربعة زوامل كبيرة

زامل / علي ناصر علي سعد البخيتي (ابومفتاح)

بدع ..

...............

يا ساحة التغيير حيي بالجيوش الواصله
ذي عزهم بالسلم ثاروا في المدينه والشعاب

ورايهم واحد لتغيير الرموز الفاشله
ذي حملوهم حمل جاير والقوا الدوله خراب

.................
زامل / عبد الله علي حسين الحياني

جواب على زامل الشاعر علي ناصر علي سعد البخيتي (ابومفتاح) ..

................

مع حفيد الفرس هذه معركتنا الفاصله
لا خير في التأخير هبو يا شباب

كم جهدنا نصبر على الحوثي ونحمل باطله
الحرب ثم الحرب هو عين الصواب

...................
زامل / علي ناصر علي سعد البخيتي (ابومفتاح)

جواب الجواب على زامل الشاعر عبد الله علي حسين الحياني ...

................

بفكري الملموس لا صاحبت حد ما اجامله
وانا ولد مفتاح مفتاحي يسكر كل باب

يافخري الميدان صنعاء من عصى با اقاتله
السيد الحوثي جنوده كلنا شيبه وشاب

................
زامل / عبد الله علي حسين الحياني

جواب جواب الجواب على زامل الشاعر زامل علي ناصر علي سعد البخيتي (ابومفتاح) ..

..............

عليا من طلبني للقاء با اقابله
لا أنا ولا جدي وأبي من حرب هاب

الوعد صنعاء واللقاء في السايله
هذا قراري يا علي واخر جواب

................

زودنا بالزوامل الاخ الشاعر علي احمد ابو هويده

هيا حدا نلحق مصالحنا ونسكع في المرق

زامل / صالح محمد القايفي (ابو رفاد )

موجه للحدا في ضل الوضع الراهن ...

...............

هيا حدا نلحق مصالحنا ونسكع في المرق
من قبل ما نحرق ونبقى دايما بين الحريق

خط الحدا مطلق كفيتو يا مفاتيح الغلق
وقفه مع اهل الحق والغاوي نرويه الطريق


............

3 زوامل وثلاثة شعراء

زامل / عمر عبد العزيز البخيتي

..............

قل للحكومه يا علي محسن
ما همنا مدفع ودبابه

لابد يقرب يومك المحزن
وندك راس الشر بأذنابه

...............
زامل / عبدالله علي الحياني

جواب على زامل الشاعر عمر عبد العزيز البخيتي ...

..............

شب النكف يا مشترك وأعلن
حرب الشوارع حان رتابه

بادر بسحق الشيعي الهين
ومن معه رده على أعقابه

................
زامل / علي احمد ابوهويده

جواب على زامل الشاعر عمر عبد العزيز البخيتي ...

....................

الحق في شعب اليمن بين
وباينه في جبهة اصحابه

والشعب عارف من هو الدين
ومن آتى بافكار كذابه

وذي زرع حقده في الباطن
حقده عيرجع له ويغنى به

ما ظن يوصل منيته ما ظن
مادام به من يقلع انيابه

..................

زودنا بالزوامل الاخ الشاعر علي احمد ابو هويده