حال الشاعر / علي محمد شبرم

سلام منا ما يشن الماطر

حال وصول الشواعة من طميح الى قرينه لنقل العروسة الى بيت زوجها يوم الخميس 16/10/2014م  ..

.................

سلام منا ما يشن الماطر

والارض تصبح كلها ممطوره

نهدي تحيتنا لكل مغامر

للغايبين ومن شهد بحضوره

جبالكم من عطر شمه فاخر

مختوم تاريخه بوقت صدوره

لزعيمكم عبدالاله الشاعر

هو ذي حروفه باهره مشهوره

تنشر على التلفاز بث مباشر

من البزي يوصل بصوت وصوره

ياخال كن معنا وحسك حاضر

اسمع بزيك وامتثل في شوره

لا جبت لك فاقد ولا انا زاير

ولا تقل هذا البزي جاء دوره

جينا على ما راد مقبل ناصر

اوفى وسلم قيمة الفاتوره

اوبه لنفسك وادره اينك ساير

احنا ابزيا واخوال واحنا جوره

ما بيننا الا شِعب لا انت مسافر

وان انت جنب القلعه المعموره

الحق تأكد في الصباح الباكر

لا تحسب ان احنا حدود شروره

لا ما تحملنا الثقيل الجاير

والظهر قد زاع الثقيل وجوره

كثر الطمع ياخال ما هو باهر

لا تتبع شي نفسك المغروره

خذ لك غراره مش ثلاث غراير

تكفيك لا يوم الصحف منشوره

عد باتجه لا عندنا وتجابر

لا شك واحداث الزمن مذكوره

الصاحب ابقى لي ولو هو فاتر

وكل زلات العمر مغفوره

كم ياغرامه في العرس وخساير

ذي في البيان مسجله محصوره

لا عد تناقشني ولا انت مخابر

ما بعد هذا كله الا البوره

...............

حال الشاعر / عبدالاله سعد احمد الدغري

جواب على حال الشاعر علي محمد شبرم . يوم الخميس. 16/10/2014م ...

.................

عبدالاله قال لو قد حد غلب قبله

كانه غلب من قبيل الحال والزامل

بش يوصي الاب بنته ليلة الدخله؟

هذا تساؤل يجاوب عنه السائل

يا بنتي اول وصيه طاعتش لله

في الامر والنهي فهم الحق والباطل

والثانيه فصلي نفسش من الليله

ووطنيها مع الرجال والمنزل

والثالثه طاعتش له واحترام اهله

قد امه امش وعمش ناصر الفاضل

سعادتش من سعادة بيتكم كله

وراحتش فيه حث مايشغلش شاغل

واتزيني بالوفاء والحب يانحله

واتعطري بالشرف واتمشقري بالفل

والرابع الصبر حكمه والغضب عله

لا ترفعي فوق زوجش صوتش الناسل

حتى ولو مااعجبش قوله ولا فعله

او جاء من السوق والوادي وهو زاعل

لا يلعن اصلش ولا انتي تلعني شكله

عيب المره ما تقل رجالها فاشل

قلي معي زوج ما ساعه ولا مثله

واتمدحي به وباهله في الرخاء والقل

احيان تتحملي مقبل على ثقله

واحيان يتحملش مقبل على الكاهل

ليله تحسي دموعش في مناديله

ويوم يصعب عليه الفهم ويجادل

والخامسه لخصيها في الثقه خصله

لا تخرجي سر بيت الزوج من داخل

والسادسه ها ولا طلعه ولا نزله

الا بتصريح من عمش ومن مقبل

ياذي حويتي صفات الحسن والكُمله

كُثر الشكى والتشكك ينقص الكامل

.........