قال أبو ليث حب الغيد مصدر جناني
27 ابريل 2016م.
..........
قال أبو ليث حب الغيد مصدر جناني
من دخل في هواهن بالحلا جننينه
ساجي الطرف هو ناري وجنة جناني
بالهوى سمني ربي يجدد سنينه
حاكم الغيد متربع لعرش الغواني
تحت خدمة جنابه كل زينه وشينه
ما مثيله يجد بين الملاح الحساني
لا ولا له مثل في ريفنا والمدينه
أطعم الموت الاحمر لا فرقته ثواني
قلبي المبتلي يا جعل ربي يعينه
كل عاشق وله جوه ولي جو ثاني
والمحبه غثا ما بين فينه وفينه
طعم ريقه عسل مسكوب بين الصياني
والعسل يختلف ما بين صينه وصينه
لا حرف مقلته وأشر بسود النياني
شل عقلي وقلبي يا حنينه حنينه
بالهوى والمحبه فيه ربي بلاني
سهم موتي نفذ من قوس نونه وعينه
ليت والله والمحبوب خاتم يماني
او فيا ليتني خاتم بخنصر يمينه
والقسم والقسم محد بحسنه سباني
يا غبين الزُبيدي من هواها غبينه
خاف بحر الهوى يغرق سفينة اماني
ما معي غيرها في بحر عشقي سفينه
............
){kind=link}
0 تعليقات