قصيدة الشاعر / سعد حسين مفتاح البخيتي

بسم الاله العظيم الخالق الباري                                                    

جواب على قصيدة  محمد ناصر الحدم

……................

بسم الاله العظيم الخالق الباري
المقتدر والمعين الرازق الفتاح

ربُ كريمُ كثير الخير والستري
ذو المن والجود هو ذي فالق الأصباح

كم من شدايد علينا لطفها يجري
وكم يعافي من الالام و الاجراح

هو ملجئي في حياتي ثم في قبري
ارجوه يغفر ذنوبي كلها وارتاح

برحمتك يا كريم اسمح عن الوزري
عليك يا ربنا بكثر الصياح

صلاة ربي عدد ما غرد القمري
وعد ما كل بلبولاً بصوته ناح

تغشى محمد شفيع الخلق في الحشري
والآل والصحب ما قد هبت الارياح

يا مرحبا ما يلوح البارق الحجري
سرى من الشرق واسقى واديي مرواح

الكف تلقف زنوده وانشرح صدري
خلى الكبد بعد ما انشاف الفؤاد افراح

من البزي الذي عاده ولد عشري
جاهل ولكن عرفت انو ذكي فذاح

هو هكذا البر لا جاء في وطن مري
يصفي مكيله يقع منه القدح باقداح

والبر ما يستوي وانشد على السعري
ما هوى سوى بر سعوه هو ونجد الجاح

بعض الجرب هو يحنذر فيهن البري
ما تزرعه شي مواضع في وطن اوجاح

الخال مثل الوطن والأب كالذاري
للبر عندي جرب وين ما ذريته فاح

قم شد ذي يعجبك يا مرسلي بري
حاشي مطوع رمادي في الجبل مياح

ملفاك بيت الحدم واقصد بها صهري
عز المعالي وعنده تدرك السيفاح

هو خيرة القوم بشهد له مع غيري
ساس الكرم والمروة مورداً سفاح

لا اتخبرك قله انه قد صدر حجري
في ملكنا ذي دفعنا به مية مقراح

بدعه شنيعة وعادة من شفع يقري
خصمه ويترك أمور الجهل والتيناح

من قلة العقل قاموا يرفعوا ثوري
من وسط مالي وقالو له سرك هرواح

ما زد حسب حد كأنه مصطفى صبري
وحسين ناصر وعايض برق مدفع لاح

لو قد رأيته قران ما اصبر على كبري
ما اهتاب من حد ولا بصبر على الرجاح

من صلب منيب يشل الجبر والكسري
ما يرتهف لو تلم الجن والصلاح

وأبي هتف بي وقلي سعد يا بشري

لا لاح ذي في مرامك شوحه شواح

لا انته عليا بحقه فاتبع شوري
لا عد تنشد على ما جاء ولا ما راح

وأنا بنيت ان والله ما ادهف جدري
ما دمت برمي وكبسول الكجك نطاح

وكيف بانسى وأبي مازال متحري

نشب نار الخصومه لو وصلنا الطاح

وأصبحت مبكر ليوم الجن من بدري
عاصب يقع في الخنق سفك الدماء مقلاح

قد كنت بدعس على حقي بحافوري
من حمل ما يحمله منها على مياح

لو لاح لي ذي بغيره قد قصد دحري
باعرفه كيف مقضى الدحر والكوكاح

اني ولد قوم ماناشي مثل جيري
ولا ثجافي ولا شعبي ولا طماح

ربعي بني العم لا جو فوضوا شوري
ما عندهم قصر  في لاجاهم الصياح

وآلاف صلي على أحمد باهي النوري
محمد المصطفى ذي نوره الوضاح

..................