قصيدة الشاعر / مجيب الرحمن غنيم

سلام ياذي ترفعوا راس المناصر للسماء

القصيدة التي على الصمع وذكر فيها اسم البخيتي هاربا ..

..........................

سلام ياذي ترفعوا راس المناصر للسماء

وتنزلوا صوت المعارض تجعلوه بين ارجله

يامن لكم تاريخ مكتوبه حروفه بالدماء

وصدرو صفحه قويه في سجل المرجله

ارحب رجال الحرب ذي طفوا حماها بالحما

ومكنوا صالح وربعه شل منه ناوله

مشايخ اهل ارحب رجال الموت حنشان الضماء

وافرادها لاتحركوا في الارض تهدا زل زله

قل للصمع ما يخطي الرامي من ارحب لا رما

واحد من ارحب بس با يهزم كتيبه كامله

لو قد نوو هي نصف ساعه في الصمع واستسلما

ما عد تشوف الا البخيتي هاربي في السايله

لكنهم قالوا عسى يمكن لعلا ربما

بايعقل المدبر ويعرف مخرجه من مدخله

ولا رجال ارحب لها القدره جعل لاحمد عما

ان تاخذ القوات وتطهر جنود العايله

ارحب لها تاريخ مشرف في بلادي كلما

نادى الوطن لبت نداءه سعي ولا هروله

من ينتمى ليها فهو يشعر بفخر الانتما

فيها الشهامة والمروة والكرم والقبيله

..............................

قصيدة الشاعر  / عبدالله صالح الشعيثي

رد على قصيدة مجيب الرحمن التي تهجم فيها على البخيتي والبدع موجود في نفس الصفحة من الواحة..

................................

يقول بداع الحدا الفرسان حمُيان الحِما

قراعة الباطل وحزبه بالرصاص القاتله

ارض اليمن والشعب يشهد ان ربعي عندما

كل السحب تلتم فحنا البرق واحنا سابله

اما الهما ياماء وذي يلعب بقرقوش الهما

ماله هويه وان بدت تبقى هويه سافله

ولا تبرر لاجل من شعب ولا لين ارتما

مخطي من اوعز له بهذا البيت ولا شارله

ردي عليهم كلهم في ذي تبنطق واستما

لازم جواب البدع يتوجه على ذي قايله

ماردك الا قل جهدك والحصار المحكما

والعبقرية و الرصانه والسمات الفاضله

في القايد المغوار لو كنته قبيلي تفهما

هو ذي تحكم بانفعاله وانقذك من وابله

اين انت من نيران سعراء واقده تتلهجما

اين انت من قوه رهيبه ضاربه متكامله

ليست رجال ارحب ولكن قول مجموعة دُما

متحركه من حزب يبرز فعلها اويبطله

وتقل لو اشتوا يا قليل العقل لكن انما

لا يقبضوا تلك الاسود الكاسره والقافله

الله يزكيها زكيه عقلها من قبل ما

تهذي وهي كانت زكيه قبل هذا عاقله

يا ذي ركبته اشعب وخيلتاه فوق التاهما

لا ما نسيته الفرق في ما بينكم والمنزله

اين البخيتي وين وانت ايش موقعك في المعجما

ما زلت في غفله ومن حولك اوادم غافله

.............................