يا مرحبا قال ابو ناصــــر مية مــرحـب
جواب على زامل الشاعر علي احمد عكروت
................
يا مرحبا قال ابو ناصــــر مية مــرحـب
حــيـــا بشـــاعــرعلــيــنا كشــر انيـــابه
حيـيت به كلمــــــا فــوج النــســايم هـــب
وكــل مالاح برقـــه مـــن غـــزيــر زابه
حـــيا الله الهيم ذي في مترسه رتــب
مـاســك ســلاحــه ويـده فـــوق ضرابه
له سته اعوام يضــرب في شمال ارحــب
وحــول عــمــران لــم الجــيــش بقـطابه
وحـــرف سفــــيان فيها نار ذي تلهـــــب
وحـــول صعــده جثــث قد شبعت اكــلابه
وكـــم فيـــــالق لــــهـــذه الــحــرب تدرب
وكــــم دول مـــن وراكــم فــيه جــلابـــه
والـدعم مــن كـل دولـه لا قــداكـم صــب
وجاركـــم شــهــم فــك ارضـــه ودولابه
والشعب جــاء بالغنم والعـجل والمضـرب
وكـــم قـــوافـــل وراكـــم جــآت ســكابه
ماحــد علــــــــيكم بيـــتفــــرج ويــــتـهرب
حتى الخطيب قد دعاء من وسط محـرابه
ايضا وزد جـــات ذي مفروض تتـــحجـب
والــطــفل نــــادى بدعـــم الجـيش يا بابه
وجــــــــيش شعبي معاكم شارك المحرب
وجيـــش قــــدامـــكم واقــف على ابوابه
وكـــــــلما زاد دعـــم الــجــيش يتــــغـلب
تــتــوسع الــحــرب فــي شـرقه وغـرابه
والدعـــــم ذي جــالكم شــــفنـــاه يتسرب
والله مـــاتحـــفـــظــوا للشــــعب شـرابه
سيدي حسين في حصونه ماسك المهرب
لا خــاف مــن جـــيــشــكم كـــلا ولا هابـه
فـــتح لجـــــبهات كـــم شرّق وكم غــرّب
وكــم ذبــح في ســـهـــول الــبقع واشعابه
أمــا سبـــبها قــد الــعـــالم بها استـغرب
والشــــعـب فيــها ومــنـها الشـك يرتابــه
من يفــحص اســــــــبابها لابد يتعـجـب
ولا يــرا الا انهــا فــي الشــعـب عـــــيابه
ودرت اموال لا تحـصــى ولا تــحـــسب
واني عــلــى بابــكم جـــامــوس حـــلابـه
والمشترك شاف فيها السم والعـــقــرب
وشـاف فيـــها وجـــوه الحــرب تتـــشابـه
حـاول يــحــل الـقضــيه قـبل ماتنــشـب
وعــرقــلونه دعــاة الــحــــرب واربــابه
وانته تــقــلي ليـــيـــش المشترك سنب
مافـــاد فـــيـــكم دوا الـــدكتـور واعشـابه
مابش ملامه علــــى من خارج الملعب
ومــن تـــربى حســيــن عـنــده تــعــنا به
ان انتـصرتوا مــكـــــــرتوا مكرة الثعــــلب
وان قد فشــلــتو لكــم صـــايــح ونـدابـــه
ســياسة المــؤتمــر مثل الصـبّر واقب
لاخـيـر فـي ســــاســته كــلا وكــتــــــابـه
ذي تزرعون المشاكل مثل زرع الـحب
خليتوا الشــعب هو (والفــقـر) مســـحـابه
شوف اليمن من حدود البقع للمـــندب
مـــعـــاكم الشــــعــب في فتنه ومضــرابـه
كل الــدول حــولــكم تجمع وتــتـرقب
كيف يخرجوا وضعكم من وسط محــــنــابه
وانتو تغــنوا لنا بالـمنجــز المعـــطــب
وكـــم مـــشـــاريع وهـــمـــيــه وكــذابـــه
بترول صـافر وشبوه قد قـرب ينــضب
وغــــــاز حــقــــل المسيــــــله مادريــنا به
مصالح الشعب ذي تسرق وذي تنهب
وانــتـم علــى راســها مــاكــل وســـــنابه
عشرين سنه ما نجح للمؤتمر محسب
ولا فـــعــــل للـــمـــواطــن ما تــغـــنـا به
تبت يدا المـــؤتمر تبــت يديهـم تب
رفــــاق ابا جهـــــل للتجهـيل حـــطـابه
برنامجه ذي يسوي في السنه مقلــب
قـد احبـــط الـــشــعب عُــمــاله وطـــلابه
ما وحدة الشعب محميه بحــكــم الرب
هي منــجـــز الشـعب بافــــراده وباحزابه
لاتــفعلو منــها فــي حــزبكم مكــسب
ولا لــحــد يحتــكــرها فــي تـــحســــــابـه
به ناس ضحوا لها بالكرسي المرغب
وناس ضـحـى لــهــا باهـله مع احـــــبابه
مجد التواريخ مثل العرف والمـــذهب
لـن تصــنعــه في امــمـنا ناس نــصــابـــه
وانته في الجيش لك ممنوع تتــحزب
لكـن وقــــعــتــوا ضــحـيــة مــن تـعلا به
حتى الصـــنــاديق صمـمتوا لها مخـلب
وراتــب العســكري يصــــرف بـــصــوابه
عسكرتوا الكرت والصندوق والمكتب
والــمال ذي تشــــتـــرو به كــل ســـبــابه
وحزب الأصلا ح مايقبل حدا مغصب
ولا مــذ بذب تشـــلــــه ريــــح هبـــــابه
ما انا بهذا ولاهـــذا تـــرا مــعــجــب
لكـن قـــول الحقـــيــقـه لازم اصـــــتابه
انا مع الشعب ذي لازم له اتـــعصب
ما مثــلــكم فـيـــه ســـوى احمـد بجــلـبابه
هذا جوابي نظمته لك من الــمـــرقب
من حــيــث ما الــشـعب حلـي في تغــرابه
والعفو لاشي قصر قد صاحبك لبــب
مــن كـــثر ماغــاظـني شعـرك وشـــعـابه
ذكر النبي من بذكره الصلاه ارغب
والصحب والأل وانا اكــــون من احـبابه
....................
3 تعليقات
(يا)مرحبا
ردحذفنسيتو (يا)
ردحذفشكرا يا اوس فتى الواحة صدق
حذف