قصيدة الشاعر / ابوحمدي الناخبي )يافع )

بوحمـدي ارحـب بمـن عنـدي دفـر

على بدع الشاعر/ابو الزرقاء من الحداء

………

بوحمـدي ارحـب بمـن عنـدي دفـر

من فوق رأسي حط يالضيف الكبير

يافـع معـي رحـب مـع شامـخ ثـمـر

والعُـر فيـه الخصـم لايوجـد نصيـر

ورحبوا ناسي ومـن عنـدي حضـر

ببن الحداء ذي قال ماهو بالضميـر

قولـك نعـم شفـهـا بتـنـذر بالخـطـر

ونـسـأل المـولـى يخارجـنـا بـخـيـر

انا اشهد انك صبتها صوب الشعـر

والـحـر ذي لاقالـهـا يـهـدر هـديــر

عبّرت بأسم الشعب والكاذب خسـر

ومن مدح بالكذب شف حبله قصيـر

الوضع عالساحه شفه يمشي حـور

من سبت الاذناب ذي خلف المشير

الله يخارجـنـا مــن الـنـاس الغـجـر

ذي حللوا اكل الرباء جنـب العشيـر

كلوا حقوق الشعـب كـم ربـوا اسـر

اترعرعه عالسحت ذي اكله سعيـر

ماشي عدالـه والقضـاء دوره هـدر

والامـن يحمـي سلطـة الاخ المديـر

والتاجـر اتمكـن وفـي سيفـه جــزر

معـه حصانـه مـن افندمنـا الـوزيـر

ماشي تساوي للاسـف بيـن البشـر

تاجر ولد صنعـاء وبـن خالـه فقيـر

العنصـريـه واضـحـه شفـهـا نـظـر

امـام عينـي شفتـهـا سـانـي تسـيـر

هـذا الـذي ثــار المشـاكـل والـحـذر

يابو شعار الخيـل لاويـن المصيـر؟

والـوحـده الـغـراء ولامـنـهـا مـفــر

لـهـا فــي الارواح الـحُــب الكـثـيـر

ماهـي لبـن لحمـر ولاهـي للخـضـر

مالـك لهـا شعبـي كبيـره والصغـيـر

شمسـان رسخهـا وعالباطـل صبـر

واصبـح نُقـم اليـوم يحسبنـي نكيـر

اسكن بها يامن قصورك في عصـر

شوفك غريمي وانت ثوري والبعير

عبّـرت عـن رأيــي وبنظمـهـا دُرر

وبحـري الـدفـاق بامـواجـه غـزيـر

الـيـك ابوالشيـمـاء تنـقـل مـايـسـر

سلـم لبـو الزرقـاء جوابـي يالاميـر

والختـم صلـوا عـد مـاشـن المـطـر

علـى محمـد ذي علـى الامـه بشيـر

.........................