قصيدة الشاعر / يحيى سعد محمد البخيتي

                                                                                       

قال ابن مفتاح لو ينزل نبي مرسل

قالها في انتخابات عام 2006

..................................

قال ابن مفتاح لو ينزل نبي مرسل

ما ننتخب غير علي ذي ابعد العله

ذي با يجي بعده ايش عد با يجي يفعل

كذاب ذي بايسوي لليمن مثله

استخرج الغاز والبترول والديزل

والكهرباء مدها للشرق والقبله

ووحد الشعب خلى الشعب يتمثل

ووحدة الشعب رأس المال والحصله

وريح اجيال ذي ما قد عرف يسأل

رسم حدود اليمن سكهكم الشغله

بنا لشعب اليمن حاضر ومستقبل

لاما اصبح الشعب ديمقراطيه كله

حكم لشعب اليمن والنار ذي تشعل

واليوم في امن واستقرار من فضله

ماشي معانا اسنان  ولا اضراس في المعمل

ولا معي للعزب خاتم ولا دبله

عهد التطور بدا والخير خير اخبل

من انكرك يا علي خارج من المله

هذه حقائق ولا تعرج ولا تحمل

قد المشاريع تشهد داخل السفله

وشعبنا اعطا ولا لك عهد ما يفتل

وانته قد اوفيت معنا فكمل الرحله

منحته الحريه والحر لا يجهل

للحريه حد لا تحكم على عقله

الحر يتذكر الماضي وما قد زل

وايش كان دول الذي قبله لنا يفعل

ما فادنا شخص من مطلع ولا منزل

الا انت ذي ما نسيته في اليمن عزله

عفوك مساعد لي ثمنتعشر سنه مهمل

خريج من دفعتي رواد في جبله

قانع بحزبي ولا اتحول ولا اتبدل

لابه تضخم ولابه نقص في العمله

انا معي عقل لا قد شي خبر سجل

احلل الصح والباقي في خبر زله

وازكاء صلاتي على المختار ما رتل

العبد في كل سوره خير مرسل له

.....................................