زامل الشاعر / يحيى سعد محمد البخيتي

احنا مع الثورة ومحنش قدها

جواب على زامل أديب اليمن الكبير الدكتور عبد العزيز المقالح وقد وافانا به اليوم 23-2-2013 م ..

........................

احنا مع الثورة ومحنش قدها

هي ثورة اعمى ذي يداديها بصير

واحد يعالجها وواحد غدها

وشعب جاوع ما لقي حق الفطير

خلوا سعيده تفعل ايش ما ودها

كثر غناها فرشنا فيها حصير

ومسعده قد ذي تدور وحدها

يا للأسف ودمنا يزفر زفير

والسد يقرح سايله لا ردها

والبير ذي يسقوا بها مقصع شعير

قد خلسوها ما اسلموشي عقدها
لوشي ضماير حس لا تلبس حرير

قال الفتى بن سعد كلمه واهدها

لبن المقالح ذي خدمها للسرير

ربى الولد والأب واصبح جدها

ولا دريتوا يا يمن مثل الحمير

................................