حال الشاعر/ علي مقبل الحاج

سلام منا قسموه بالمليون

رحمه الله ، قال هذا الحال في عرس عيال الظبياني 2-5-2004م , والذي وصف فيه بعض العادات السيئة في الاعراس..

…………

سلام منا قسموه بالمليون

لاصحابنا كلين يجر حسابه

ياذي عمدتوا في المحل المزبون

شق الجبل كلين ذب يهتابه

وللمضيف قسمه بالقانون

 لولاد عمه واخوته واصحابه

هذا سلامي ما يرد له تسمون

ولا يريد التعنيه لجوابه

يا اصحابنا ما شي معانا قانون

مضيافنا قدو تقل مضرابه

نريد خلاطه وعشرين طاحون

لاما العصيد تهدى تقل مخلابه

ونطحن الحب الجديد والمدفون

جلس المضيف في المكان سنابه

حتى الحريوه عاد ابوها ممحون

يريد لها فستان لغب طلابه

فستان جديد من وسط مصنع شارون

وان ما لقي شي محنته وعذابه

قد خلوا المسكين عقله مجنون

صابح يعضول مشفره وانيابه

حتى النقش هو والخضاب هو مسهون

لييش سويتوا لكم محنابه

ما شي حريو يعرس وما هو مديون

وكل حاجه بتجي بغلابه

كوده يوكف عطرها والصابون

قد نتفوا دقنه وعاد اشنابه

ذي ما يساير صاحبه هو ملعون

قد عيقم بالحمل هو وزهابه

ذي يعرف المعروف قلبه مغبون

تكاتفوا للزرع قبل صرابه

صلوا على من وسط طيبه مدفون

ذي حبه الله هو خيار احبابه

………