قصيدة الشاعر / صالح محمد ناصر العميسي

يا (عبد ربه) لك تحياتنا

موجهه إلى الأخ رئيس الجمهورية عبد ربه منصور هادي تأييدا لقرار توحيد الجيش قيلت بتاريخ 21- 12- 2013م .

..............................

يا (عبد ربه) لك تحياتنا

من الحدا في كل ساعه

يا وحدوي حافظ على شعبنا

لأمركم سمعاً وطاعه

يا ذي قرارك امس شرفتنا

للجيش في بحره وقاعه

لوحدة الشعب دايماً حُبنا

انت الأسد وإحنا السِباعه

عِز المشير الكفؤ من عِزنا

يا حصن مرفوعه قلاعه

إحنا جنودك في ربوع ارضنا

للحرب وإلا للزراعه

يكفي مشاكل والفتن بيننا

والشعب صوّت بالقناعه

نشتي وفاء منا بدل عيبنا

بالصدق ما نقبل خُداعه

إحنا اليمانيون واجدادنا

ذي وحدوا رأي الجماعه

نبني مع (هادي) لما قد بنا

لا حد يخونه في الوداعه1  

يا القائد الأعلى على جيشنا

وإحنا صميله في ذراعه

مليون تحيه توصلك بسمنا

وإعلن بها عبر الأذاعه

ولك معزه غاليه عندنا

في القلب مطبوعه طِباعه

والعز والناموس من حقنا

والقبيله هي والمناعه

............................

الوداعه= الأمانه