قصيدة الشاعر / يحيى سعد محمد البخيتي

يا مرحبا وازنت نايف كنن وانوع

جواب على قصيدة الشيخ محمد علي عبد الله البخيتي ولم يتوفر لدينا البدع

...................................

يا مرحبا وازنت نايف كنن وانوع

والحصن والبرج ذي رأس الصفا سيته

ترحيب ما كل حافي في الصفا نقع

من كثر ما قد سعى جنبك وكويته

مرحب مثانا عدد ما المطبعة تطبع

لابن البخيتي محمد ذي على صيته

ذي دق دار البشاير قبل ما شعشع

الفجر والمام فك البيت والبيته

قمته بثورة وخليت الحدا تشنع

في كل محجا ونسفته ونقيته

لولا الحدا ما طلع في البرلمان اصلع

كانه مكانك ولكنك تلاشيته

واليوم قد رئيس اللجنه تبيع اشرع

ضيع رصيد الحدا ناره وكبريته

ناضلت لاما العلم خفاق ذي يسجع

مسعد تزوج سعيده وانت زفيته

يستاهل البرد من ضيع دفاه ادوع

من فك ربعه شداد الظهر عزيته

حاربته الناس ذي كانوا فروع افرع

منك ولاسار يقلي فرع جزيته

رافقتكم عشر والجلمود في المجوع

لا ما سحبته ملفي واين دسيته

خليته الجيد فينا فسل يتجعجع

لا اديتله الف حنيته ومنيته

خليته ابن الحديجي فرع يتقطع

في ساحة السوق هليته وقريته

ذي تحسب اني سوى عندك حجار اسلع

حسك معه لا قُتل يا ذاك حنطته

لنه عصا العاصمه والبيت والمردع

انجا الحديجي بدقنه ليش قصيته

ولا شكرتاه كم صلى وكم طوع

ولا سعى الشيب يبدي فيه حنيته

شكرت قردع والاجدع ذي دمه ينجع

من المرض هو وصهرك ذي تجديته

واحمد محمد عد ذي تطعمه بعبع

با يطعم الملح حين تدحس وذريته

وتطعمه مر مثل الحنظله واشوع

ذي تمدحه صدق اولا انته تراييته

اين المصالح ذي اوعدت الحدا مسرع

بينت عذرك على ذي قد تحديته

عذا ذكرت الحدا ان الزرع بايجفع

لو الحدا ليك قد ماتوا مية ميته

والجيش ذي قلت غاور هم بني تبع

صالح مثنى يجي عندك متى ادكيته

وابن القحيطر يعمر لك ويتقبع

ولا البزي لا تحامقته فسبيته

كُل ما خرج بسمنا وارتاح واتمتع

حرام ما قلب سالي منك اسليته

ذي تاكل الفاكهة واحنا لنا القوقع

ولا لقيته مراجع مننا اخزيته

هذا اشتراكي وهذا ناصري برع

لا قد معه امر جريته ومزيته

منك صحيفة بني مفتاح صوف اقرع

غرر على المؤتمر والمختم اذكيته

درى به المؤتمر كيف كان يتبضع

اعييته المؤتمر يا عزي اعييته

امنت نفسك بنيت البيت والمصنع

والمركبة ذي على تاير وعفريته

والقيت مقبل حسن جنبك قدوا يمرع

بالشال والمسبحة والميري اهميته

اكملته الجرم للديوان والمجزع

ولا تعيوج عليك الدرب سانيته

هذا جوابي لكم وسعد بايتبع

بالرد لننت في المظروف تحريته

ذي هاجسه بحر مايقطع ولا ينضع

هو كان فاسه كبير لكنك اسفيته

اما ابن مفتاح يحيى سعد ما يهنع

ولا يجامل ويتمدح لو ارشيته

الصدق بديه واكل في الصفا جوشع

واجزع مع ذي نفعتاهم ورقيته

والختم صليت ما شمس الضحى تصكع

على محمد شفيع الخلق لا بيته

شفيعنا من جهنم حومها يلسع

ذي ما يصلي عليه ياربي اقميته

.......................................