قصيدة الشاعر / يحيى سعد محمد البخيتي

قال مفتاح ذي حل الصفاء رؤس الضياح

عن الحوار الجاري بين الأطراف السياسية والقصيدة تتسأل وتسئل عن ذلك اديب اليمن الدكتور عبد العزيز المقالح .

........................

قال مفتاح ذي حل الصفاء رؤس الضياح

ريف الارياف محلى الجو صافي وواضح

آح في آح يا عبد العزيز المقالح

راح صالح وقذا بعدهم حزب الاصلاح

عقل سارح ولا به في اليمن قلب فارح

كلما هبت الفرحه يقع في الفرح أح

ايحين النجاح يا صرح للعلم مصباح

اربكوا شعبنا ما بين صالح وطالح

انفتاح الحوار للخير مفتاح يا صاح

انضماد الجراح عند اللقاء والتصافح

اليمن طاح نتفادى يمنا بالارواح

قابضين السلاح اشباح لجل المصالح

ان معه مصلحه ولا تقطع لسواح

والحكومه تلبي مطلبه لجل سايح

اين حكم الوشاح ذي كان بالسيف ذباح

لا مقابر جماعيه ولا به مذابح

شوق عيني وهو يرجع ونقرأ في الالواح

والمَزارع تصدر حب لهل المشالح

لكن ارياح غربيه من الغرب الارياح

ربو مُعدي  مآثر في صدور الشرايح

والعرب في مصحه كلهم سر ما ابتاح

نوم ذي يسبحوا ما بين خاسر ورابح

الفلاح الفلاح يا ليل دامس ولا انزاح

اظلمت من عتق لا فوق خولان رازح

قلي ايش العلاج يا خير عالم ونصاح

او عسى ننتفع من حكمتك والنصايح

والصلاه للنبي ذكره يخليني ارتاح

سِعد ذي با يصلي في العمر كان ناجح

.......................