الا قال ابن سعد اوصي وصيه
قالها الشاعر بعد اكتشاف السلاح على متن
السفينة الايرانية في فبراير من العام 2013م
..
...................................
الا قال ابن سعد اوصي
وصيه
على شعب اليمن شابا
وشايب
على اصحاب الدقون
الملتحيه
ذي اكرمها وحفي للشوارب
وزادوا في البدع
والمذهبيه
غزونا غزو فكري بالمذاهب
دخل للكفر من طاقة نبيه
ديانه كذب من اجل المناصب
نسي صخر الوجيه الجحمليه
ضحاياها وفي صنعاء
الكتايب
تولا الماليه جاته هديه
نسي ذي كان في الساحه مواظب
يغصه من صميل البلطجيه
وكم نشكي وكم نّجس نعاتب
وثورة بعد ثورة مسرحيه
نظاهر نعتصم ولا نحارب
ولا والله خرجنا من قضيه
حنينه شعب كم جهده مصائب
قد احنا في شفاء حوض
المنيه
كن اطلب لك عمر تنظر
عجائب
وشوف الشعب مثل الدودحيه
حسدتونا على ابراج
الكهارب
درستوها دراسه هي بديه
وسويتوا شلل في سد مأرب
وتتلقى أوامر عسكريه
وشله في المسيله ذي
تواظب
على الأنبوب شله مرتشيه
كشفنا سركم وايش المآرب
من اعماله بلى يجس بليه
ومن حق اليمن حقه يطالب
بالأرواح التي سارت بريه
ويطلب من تولانا يحاسب
ويحصر ما معه تيه وتيه
حقوق الشعب ماحد ذي
يعاقب
معانا اقليم بحري فنطسيه
وتعبر باخره والا قوارب
وذي تدخل سفن بالمدفعيه
لمن مدري ولا اعلم من
نخاطب ؟
معانا في عدن شله زريه
ومعنا الهاشمي في الجرف
هارب
بدا السيد يدرس ابجديه
ودعمه من علي سوى المكاتب
ودق الجيش ما خلى سريه
ووفوا بالقبايل والمقاطب
اثار الهاشمي له مرجعيه
خمينيه ترسل له مراكب
بلاوي في اليمن من كل
خيه
تحاربنا المشارق
والمغارب
حكومة امس كانت هوشليه
وحق اليوم قذا ذي تراقب
ولو امن اليمن يعمل بنيه
قد احنا في الفضاء فوق
الكواكب
الا ليت الزبيري واللقيه
يقوموا يحصروا كم به
مكاسب
هم احرار اليمن اما
البقيه
يهمه لا قدوه ماكل وشارب
مأمن في البنوك العالميه
ولا رخصه ولا يدفع ضرايب
اقول الحق والشمس المضيه
عليا شاهده والشعب غاضب
وبا صلي على خير البريه
صلاتي تبلغه من قلب راغب
رسول الله ذي اختاره
نبيه
فرضها الله علينا فرض
واجب
..................................
0 تعليقات