قصيدة الشاعر / صالح احمد عامر العزيزي

ياليل ابو ليلى متاعب وحنات

.....................................

ياليل ابو ليلى متاعب وحنات

اسهرتني ياليل عدّت ليالي

باقول صبرا يسمح القلب ما فات

ياليل عدل وافضل العمر تالي

عسى تبدل بالجوافي مسرات

وتبدل الظلمه بنور الهلالي

يا ما سرينا فيك مره ومرات

ما همي ظلام الليل ما ذي نبالي

ياليل نازلتك دقايق وساعات

من مغرب الله لين شمسك تلالي

ما تستحه يا ليل وين المروات

نامت عباد الله وانا اسهر لحالي

ياليل فيك احلام حلوه وهمسات

وانا لمه يا ليل زدت انفعالي

عندي امل واحسي في القلب دقات

واحسب مواعيد اللقاء في خيالي

خلتني الدنيا بعيد المسافات

غريب واتناسى الأسى في وصالي

اللي بقلبي ما تسِعه السجلات

امليت طيات الصحف من سؤالي

هيهات يا درب المحبين هيهات

يا بحر وامواجك سبّت كل غالي

اوقعتني يا ما من الحب زلات

لا العيش يهنا لي ولا الماء صفا لي

................................