حال الشاعر / احمد صالح الرقيمي

سلام وازن للصميم العالي

قاله في عنس ( موشك ) ..

.........................

سلام وازن للصميم العالي

واملى بلدكم سيّله وجباله

ما بارقه ثوّر وسيِله سالي

واسقى مناهل حدّكم واغواله

يا جيش يكرم ضيفه الوصالي

ترعوه في حله وفي ترحاله

سلام يوصلكم حساب اجمالي

كلين يصرف لخوته وعياله

من ضيفكم ذي جاء وقلبه سالي

في حبكم وقّف جميع اشغاله

نفرح معاكم في شرف واجلالي

وبه علاقه سابقه وزماله

كما الصحب غالي وقدره غالي

داخل حشائي له مكان لحاله

واوفي مع الصاحب وهو يوفى لي

ويسير لي بالخير سع ما ارضا له

يا اهل الوفاء في بدعها والتالي

عنس الابيه صادقه فعاله

والعفو يا ذي فاهمين اقوالي

لا شي غلط هي شفيه ودلاله

هذا كلامي ذي خطر في بالي

واختم  بذكر الله جل   جلاله

......................