قصيدة الشاعر / صالح احمد العومري

يا الله فيما اخطيت بالغفران لي منك العوّض

شاعر مميز وقصائده مميزه ...

................................

يا الله فيما اخطيت بالغفران لي منك العوّض

وكل ماضي فات في الدنيا علينا عوّضه

ونجنا من سر بقعا والمشاكل والفوّض

وعافنا والرزق منك يا الهي فيضه

واستغفرك يالله فيما يكتبوا عنا الحفظ

من يوم عزرائيل يحضر عند روحي يقبضه

وانا احمدك ما الوكر من فم الحِداء للقوت مض

حمدين ما اغصان الذره فوق الشوانف مفرضه

صليت من نفسي ومن صلى على طه التحض

على من الله بالشفاعه للخلايق فوضه

يقول ابو زبن الله البارح بنومه ما غمض

وكل ما نومي حضر غصبا فطرفي يرفضه

وامسيت اقيس الوضع شفت الوضع قرب ينّهض

والشعب با يفتض والبارق تخيل ناهضه

ما دام وان الوضع وضع الأمس شعبي قد رفض

يا بنت من أحكى لبنتك والدتكن منقضه

في يوم وضعتكن وهي حامل بجاهل ما ركض

واليوم قد جاها مخاض الوضع تعبت كرمضه

مسكين يا شعب اليمن من كل الاقطار اقترض

هذا تبرع له وهذا بالملايين اقرضه

لمن ولا يد من ومن نأمن هو الصلح القرض

ما كل ذي يعميك يا شعبي بعينه تستضه

يبنوا مصالحهم وقالوا شعبنا الغالي نهض

والشعب نايم له ثلاثين عام من با ييقضه

  

مثل السمك في البحر ذي بعضه بيتغذا ببعض

الخير لهل الخير والمسكين جني يركضه

ما فادنا شبوه ولا حوض المسيله يا حرض

ولا نفعنا بحر صافر والسرق متعرضه

قد قسموا تعصيب اسره وواهب اللعنه فرض

حسب الفرايض والوظايف ربهم ذي فرّضه

لهم التجاره والعماره والمديلات الموّض

والحكم فردي والمصالح شخصيه متحرضه

يا شعب مالك في التقدم والرخاء والعز حظ

عايش بدعوه من على الساده وتعذيب القضه

ظلمت نفسك بأنتخابك واختيارك للرفض

اهل المطامع والمكاسب والنفوس المغرضه

وكل من حاول على الكرسي بيقضي به غرض

اما يهيمن او يساهم في تجارة معرضه

خدعوه لما قام واهبهم على المنبر وعض

وعاد ذا الرهبان ذي تحتاج له من يوعضه

وين العداله والدمقراطيه العهد انتقض

والعدل والقانون عاهدنا ومن ذي نقضه

يا ديوله يا امن يفلت كل مجرم لا اقتبض

يفرج على الجاني ويدلي للدلي لا مربضه

وكل ما اصدرتوا قرار للسعر يغلي ما خفض

والتاجر المسئول يرفع سعر والا يخفضه

يا برلمان الشعب يا نوابنا واعضاء ......

مبروك لك يا اخجم لقي خجما غبيه مجحضه

دار الفلك والعام دار كلا على الماسه فخض

ذي يفعلوا سع ذي غزل صوفه وصابح يفخضه

تريضوا وارضوا بما يرضا لكم يهل الروّض

كلين له روضه مع ليلى وفله مريّضه

  

مجلس شيوخ امريك شّرف عاصمة صنعاء وفض

والكنقرس والمعبد النهدين يالله تحفضه

  

والبيت الابيض في ولي سين ذي قبلي نعض

يا بن كلنتن سوله قرنيت والا قضضه

يا ميم او تاء ميم يا راء نار عين العين لض

من جاب لك سيفه قبض حده وسلّم مقبضه

واخّر من القبله وتمم لك قفا ما قد توض

لا ما تقدمته على القبله وحرمته وضه

مأجور رد الأجر يا ذي سلمك اجره وغض

وعاش مكفوف البصر في ضنه انك با تضه

يا عين شولا في شمال الوجه قض الوقت قض

به عين في الوجه الأمامي صاحيه مستيقضه

كما السفينه راسيه والبحر بمواجه ربض

والريح ساكن والسفينه للسفر متهيضه

لا اهتز موج البحر هيج كل مركب وانتفض

والشرق لا هبت رياحه حرك اغصان العضه

لو عاد شعبي حر ما استسلم لهولا وانتهض

الحق له يختار من يرعاه والا يرفضه

في ختمها صلوا ومن صلى على طه التحض

على من الله بالشفاعه للخلايق فوضه

............................

زود الواحة بهذه القصيدة الشاعر عادل بلال مشكوراً .