قصيدة الشاعر /عبد الخالق حسين الشنفي

يا من عليك اركن وغيرك لاركنا به وكن

قيلت بعد حرب صيف 1994 م..

.............

يا من عليك اركن وغيرك لاركنا به وكن

الطف بنا يا مشفي اوجاع العباد المزمنه

لا ضاق حالي واظلمت بقعا عليا اشكي لمن

اشكي على ذي به عباد الله جمعه راكنه

ما خوفي الا يوم انا وحدي مربط بالكفن

طوبا لمن صبح من اصحاب النفوس المومنه

واتحمد الله عد فرحتنا بتوحيد اليمن

ذي زال ربي مننا شله لشعبي خاينه

توحد الشعب اليماني والتحم بعد الفتن

وارتاح من كل المشاكل والقضايا الراهنه

كم يامعارك خاضها الجيش المفدى في عدن

من باطل التشطير واحكام العجوز الكاهنه

اثار ماشي خير في سالم ولا حمر الوجن

مادام عادش يالمحاكم بالزواحف مكتنه

سافر علي سالم وخلى بقعته سيدي حسن

ما منهم غير الوجايع والامور المحزنه

قد قطعونا وافعلوا من جلدنا خيمه سكن

واحنا نصدق حين يغطوا ضرطهم  بالحنحنه

حكم الجمالي ما وراه الا المفارس والدفن

لكن فلا مدا لنا رب السما يامحسنه 

والحق ما با فلته لو قطعوني في لجن

او يعجنوا راسي وراس المعتدي في معجنه

مافلته والله وبالله لو هدي رأسي دشن

ما ضيعك يالحق غير البصوره والمسكنه

  

قال ابن الاشناف الفتى قلبي من القهر اغتبن

والعين عافت نومها والزاد نفسي ملسنه

من بعد ذا يامرحبا ما لاح براقه وزن

وامست سيوله في المكافي والعبايل باينه

حيا الله الليله بشاعر عندنا ماله ثمن

يرتاح بالي لا سمعت القافيه من ملقنه

ارسل لنا حرفين منظومه على معنى وفن

وعلق الأبيات ماخلى لنا فيها زنه

قم يارسولي شل خطي في طريقك بالفهن

بلغ جوابي لبن عمي وأصله لا مسكنه

قله قريت الخط ذي جا في البياضه متزن

ذي قال ماعد شي صحب واحنا ندهون دهونه

با اكلمك بالصدق واقلك قد الحبل اختذن

والغش كاين في صفوف الميسره والميمنه

الصاحب الضمام مثل العافيه ذي في البدن

ياذي قطعتوا حبل معلاق الاخا بالمزينه

واليوم جيتوا تسألوني في الصحب كيف اعتجن

وكيف لاما اصبح بلس كل القبائل تسهنه

كم ناس متحمل حجج متقرنه باربع قرن

لاجا اعترف ولا اثبت انها من جهاته داحنه

الاوله والثانيه في يوم هجام الدمن

ما خافوا الله يوم تهديد البيوت الامنه

ايام ما جا الزعل والبوصي وحفظ الله بطن

في غيبه الراعي حصل نهب الكباش المسمنه

لو كان حد موجود با يهدا غدا الراعي سمن

ولا فهو هين وسا كن في قبيله هينه

والثالثه يوم التفاوض من ورا شعب المسن

ولا حصل منه تجاوب وقتها والكاينه

ساعه علي عيسي بذل بندق حسابه وافتهن

اوفا لنا عيسى وموسى ما تحرك ساكنه

والرابعه سارت معاشات القبائل للهين

ما ادو لنا الا ورث حميها الرجال المدقنه

الناس شلوا نفط في برميل واحنا في جلن

لا ذا حسد هذا ولا هذا يحب الدغننه

واحنا لنا تاريخ ناخذ ناصفت كل العون

ولا خضعنا تحت قانون الاميره بهشنه

مادام واحنا اخوه تقاسمنا السبايا في صحن

نشل ما يلزم  لنا ولا وقع بالمطعنه

وانه سلا آلاف لش ياشنيه والغرب شن

يا صاحبي لا حد يعاتبني ولانا اتمهنه

من فتح ابواب المروه غلق أبواب الشجن

ولا يضيع الحق لا بعده ايادي ماكنه

وان كان من أجل الصباري يا صديقي كل من

با يبذل المجهود والمتشفي الله يلعنه

ما طبعي اتشفا ولا ارطن لي مع من قد رطن

كلا ولا علمني المرحوم كثر الشيطنه

اوصى  عليا قال سير بالصدق واترك ليل دن

لا تصحب الا الجيد والبطال لا تتعينه

ساير كبير الجهد ذي شره من الناس ادحن

ذي لا حصل منه خطيه جا بصوره لينه

هذا ولاشي قصر والا زيد سامحني اذن

ماشي عليا لوم لن القافيه متفننه

فتواك في بازل تعبنا له شقا لا ما اهتجن

وأصبح لبعض الناس خيره والبقيه تحزنه

بازل رفاهي من طعم ريقه مسك به واحتضن

اصله مع تاجر ويخرج لا قرى متمدنه

  

يارب صلي للنبي المصطفى مولى السنن

ذي طوفه ربي على الجنه وفيها سكنه

.............