تعبت من حب السياسه والزعل
.............
تعبت من حب السياسه والزعل
وهاجسي فكر معي وأصبح يقول
نغير الموضوع لا صف الغزل
ونوصف الغيد ذي شل العقول
سبحان من خلى قوامه كالدقل
وملكه بحر الهوى عرضا وطول
من يوم شفته السهر فيني
دبل
والحس شارد في خياله لا
يزول
أمشي على دربه ولو مابش
عمل
لعلي القاه في الساحه يجول
أيام عدت ولا ضاع الأمل
ويوم أنا كنت ماشي بالخيول
رأيت أنا القصر ذي منه
نزل
وأسرعت لا يختفي وإلا يحول
وقفت قدامه تبسم وأنذهل
والدمع من مقلته مثل السيول
فقلت يا فاتني أيش الخلل
وأنته معك قصر جاوب يا
خجول
فقال هو سجن صبري فيه مل
والعيش في داخله جاب الخمول
خذني معك لو سكنا في الجبل
وأنا معك طايع ولا عندي
ميول
فقلت مثلك أحطه في المقل
من زعلك نقطعه مثل السبول
عشنا على الحب والأجواء
طل
والزهر والمزن في كل الفصول
ياذي على قصة الغانم جهل
أعزف على الراب وأضرب بالطبول
.............
