قصيدة الشاعر / ابو نشوان ناجي نشوان

يامنزل النور والفرقــــان والفــــاتحـــــه

عن الوفاء وضيق الحال ...

.............

يامنزل النور والفرقــــان والفــــاتحـــــه

بسمك تبديت راجي رحمتك والسماح

يارازق الطير ذي في الجو مد اجنحــه

لا اتبرح الضاو يتوكل ومد الجـــــناح

عبدك يناديـــك بيــن الــناس لا تفـضـحه

ولا تعابه بمخطاء جد ولا مــــــزاح

أنت الـذي كـل ماعــبدك يقــل سامحــه

تسامحه جل شانك كل مخفا وبــــاح

لي حال ضــيق ونفسي كنها ضابحـــه

ماعاد ابا علبه الصحه وقات الدحاح

حاربني الحـظ ما القـالي ولا مفـرحـــــه

جمع لي الهم وافعلي مكــاوي صحــاح

الناس في العـيد مسـروره ومتـريحـــــه

وانا له الحمد عيدي هم ولا قبــــاح

والـوقت عـياب خـلى صـورتي كـالحـــه

حتى الطريق الممهد بدله لي ضيـــاح

قد كنت الاول درست الكيمياء واشرحه

واليوم الاخر ولا حققت نسبة نـجـاح

لقنت كمن مكوكح درس في الكـوكـحــه

واعطيت لهل التواضع نص وقتي وشاح

مانـا مثل ناس عنــده لو تقــل تذبحـه

ولا يسوي جماله في الرجال الـرزاح

لاقد شـبع يوم سـوا الشـال والمسـبحـه

وعاد هو امس جاوع تعّب اهله صياح

بالله ياطايـره فـي الجـو ابـو مـروحـه

لا شي سعه ركبيني ضقت حيث الفساح

قال ابن نشوان سمي صاحب المصلحـه

ذي لا تساوت ظروفه يقلب اسمــه (صلاح)

يســايـرك مايــفكـك لا مـعـه مــربحــه

ولا تـعبـته يفكك لـلتـعب واســتراح

جعـل لـذي يـنكر المـعروف لا روحـه

ولا يردوا على اهله علم من حيث راح

مانا الوفاء حق جدي مستحيل اطرحـه

بعليه للناس قد خلوه في القاع طــاح

بـعـلـي مـقـامــه وبـاعـشـيه واصـبحـه

في وجهه الخير لا تبديت به في الصباح

واسكنه وسـط مجلس داخلي مـفـسحــه

مهما صغر حقي الديوان قلبي فســاح

والمستلح بالفسـاله عـادنـا بـا انـصـحـه

وآقـله الـوجـه بـيـن الـناس لا لاح لاح

ان انتصح وانماشي قد نويت اذلحـه

من راس ضاحه وبحكم فيه دمه مبــاح

لي منعكم من لقيه في الحدا لـيحـه

لا ترحم الفسل ذي سواء الفساله سلاح

لا ترحم إلا الوفي للوقت قد لحلحـه

ذي كان آلف وقرنه مرتكز للــنطــاح

واصبح من القل جما القرن ذي تنطحه

من قل حظه طرح جمله امام الرياح

لاما نفـعـته بحـجر الله لا تـجـرحـه

خله كلامك معه حالي وبلسم جـــراح

صلوا على من اتى بالحجه الواضـحـه

علّم وبين لنا الممنوع وين الــمــباح

...............