قصيدة الشاعر / صالح علي العجي الاشبط

كيف اوصفش يا الحلوه الموصوفه

غزلية ....

...............

كيف اوصفش يا الحلوه الموصوفه

واصب فيش افكاري الملهوفه

تايه خيالي في دروب اوصافش

واقلام شعري ناحله معطوفه

يالمرهفه ياللينه يالملسا

يالطيبه يالتحفه المتروفه

يالناعمه يالفاتنه يالغنجا

يالغامضه يالطله المكشوفه

يا رق من نبرة فريد الاطرش

والذ من الاته المعزوفه

يخرلش قلبي ويعكف ساجد

مثل الجباه السُجد المعكوفه

تعيززي مثل الغزال النافر

واذللي مثل الخروف بصوفه

واستوطني صدري من اقصى كبده

لا خلف ظهر اضلاعه المصفوفه

وان قلتي اجمع لش سنيني باقه

والروح ورده من يدي مقطوفه

حاضر وخوفي قول ما هو كافي

واصبح رهين اطماعش المشغوفه

وانا فقير المال يا بنت اهلش

وارقامي الدولاريه محذوفه

غير الادب والشعر مالي حيله

الا معاني سبكته وحروفه

ابكي الطاير بها في عشه

واهز قلب الدمعة المذروفه

للشعر في راسي عيون ارسلها

تدور حول المشتري وتطوفه

لو لا شكسبير الاديب الشاعر

ما كان يوم إنجلترا معروفه

فلا تهينيني بحق اعيانش

وحق برق النظرة المخطوفه

سنين وانا ازور فيها قبري

ويشوفني منها الردى واشوفه

فنمت والا رمشها ظالم لي

ظلامة الحجاج لهل الكوفه

..............