قصيدة الشاعر / محمد الفراصي ( ابو فؤاد )

الذمه الليله بريه من خواطر هاجسي

قصيدة فخر واعتزاز من الشاعر بقبيلته قبيلة الحدا ..

................

الذمه الليله بريه من خواطر هاجسي

واستغفر الله قبل مبدا في حديثي وانظمه

لي شهر والفكره براسي بين قومي واجلسي

وان ما طرت لي اطرد الشيطان وابليس اشكمه

لكنها ازوتني ظروفي والزمان اليابسي

والوقت ذي خلاني انظمهما بدال الهمهمه

يانفس ابو صالح طويتيني علامش نفسي

واتنفسي ذي مارحمني كيف ترضي نرحمه

الي متى والى متي ببقاء بسجني محبسي

والى متى وانا اكتم الوجعات والنذل احشمه

شخص جهل قدري ومعروفي واحساني نسي

وغاضني بالكذب من خلفي وصيتي هشمه

اي والله انه في نواميس القُبل واحد مسي

والطعن في ظهر الرجاجيل النبي قد حرمه

الفخر لي والعز والناموس هيبة مترسي

وجرمل المرحوم في يدي وحقوي محزمه

ماميل من عادت جدودي لو زماني عاكسي

فراصي حدائي يحق الفخر لي والهنجمه

احنا بنينا العز بيدينا ولينا القسي

وكل فرد مننا والعز يجري في دمه

احنا بنينا للوفاء مبنى مشمخ مروسي

وكل فرد مننا يخلق وهو متعلمه

احنا الكرم والجود فينا في شواطينا رسي

والطارفي منا لضيفه حط لجعه من فمه

لا جاه نابي ضيف رحب به ولو هو مفلسي

يبيع ما يغلا على نفسة وضيفه يكرمه

احنا الجبال الشامخات المنيفات الملسي

هكامة الي ماتجراء غيرنا ان يهكمه

حنا رجال الحرب واهل الحرب لا الليل اغلسي

دعاسة الظلماء نحب الموت وقت الملحمه

صبيان ماتهتاب كمن ذيب كالموس احلسي

سود القعاش حمران عين والايادي مجلهمه

نعطر المولود بالباروت لجله يحمسي

وعلى صوت ابو قبة وصكع المحرقاتي نفطمه

قدام لو هو موت مانعرف رجوع الريوسي

بالطيب نجزي طيب نعطي كل شي مايلزمه

ومن خرج عن طور عقله او عن الدرب احوسي

نعدله قوه وقوه ضاربه ونحطمه

................