قصيدة الشاعر / محـمد علـي الـقوسـي ( ابـو صبـري )

استغفر الله فوقي هم مثل الجبل

..................

استغفر الله فوقي هم مثل الجبل

جـاثـم عليا واحس انه عليا ثقيـل

وكـل ماقـلت بتنـاسـاه يرجـع دبـل

اسـالك الـعون ياحـسبي ونـعـم الوكـيـل

مجـروح من حـالي الخدين زين المُقـل

كنت احـسبه بلـسم اجراحـي شفا للعليـل

گــذّاب خـدّاع قلـي مـا معي لك بـدل

وقـال والله مـنساكـم أبـد مُـستحـيل

وقـال لا خُـنت ابو صبـري جـعلي شـلل

وقـال گـيف اخـدعك ياسـلوتي والخـليل

وقــال والله مـا بـدّل محـمـد بــدل

وقـال يا مُـهجتـي والـقلب والسلسبيـل

ظـنّـيته الـروح من دونـه حـياتي مــلل

واهـديـت لـه قلب بيّـاع الگلام الجميـل

وگنت اظـن ان ابو صالح بـدونه عطـل

ماكُنت ظـني يـبدّل مـسك بالـزنجبيـل

يـقول مـجروح جربنا الگـلام الـعســل

نـصيحتي لا تُـغرك شي عيون الگـحيـل

احـذر تصدّق وتـوثـق جـد مهما حصـل

اعـمل حسابك وعادك في سفال النقيـل

...................