زامل الشاعر / عبدالله علي ضروه

سلام من راسي يهز الحيد لا ما قلقله

حصرياً بواحة الحدا.

موجه الى الشاعر الكبير المرحوم احمد ناصر الاشبط ..

.....................

سلام من راسي يهز الحيد لا ما قلقله

وعار عورني وذمرني وليش الكذب ليش

لا ما وقع شي بعد ناصر في المعاين مقتله

ننقا ونتنقا بسوء العيب ذي وسط الكريش

با تشهد السبع القبل كلاتها والبيكله

مع اللوايم طالعه يا قبيله حمى عليش

عاد الدرايا ساحبه في سوقنا ذي تسأله

داعي دعانا واعرفي يا نفس ما يلزم عليش

لا تسهني موقف سهل كلا ولا هي مهزله

خولان ثارت في ربيع مكلف وفضت لا حبيش

..................

زامل الشاعر / احمد ناصر الاشبط

حصرياً بواحة الحدا.

جواب على زامل الشاعر الكبير عبد الله علي ضروه ..

..............

يا مرحبا قيفان من شاعر حروفه مُجمله

ضروه على ضروه فتى لا قال هو من حال جيش

يا صاحبي والله ما نحتاج بعض الطيوله

مجنون ذبح شاته ويا شات الحدا ياسين عليش

الصبر يا ابو عبده افضل لو ترى ما افضله

والجيد صبره خير له من وهدرت سود القعيش

ناصر كُتب له ذي كُتب من يوم هو في المحبله

وانته وليش العار يا فخر العُلا قلي عليش

كلين يصلّح ديمته يا خي ويحفظ معوله

لا يثلمه صوع الحجر ويقول بعدا مدري ايش

احنا لنا غومه فقط عادة شروع القبيله

واسال بكيل اهل الشروع الجيد ياخذها قحيش

ايضا اذا عاده ربيع وان قد رُفع ما نقبله

يا صاحب الشرع الطويل قد بيننا لقمه وعيش

ما دام قد بيّض وحب اهله وعانق منزله

ما عد علينا لوم وان قصت دراياها حُميش

................

زودنا بالزاملين الاخ علي احمد ناصر الاشبط