قصيدة الشاعر / شمسان الحياني

طاب العنب ماهو شي اشعب والعرب تهوی العرب

حصرياً بواحة الحدا.

................

طاب العنب ماهو شي اشعب والعرب تهوی العرب

وذا تعجب ثم سنب ثم سبب لا استفيد

ذا صب زيت النار والهب والغبي شدا الحطب

وذا تعتب ذا تقلب ذا نصب هذا اكيد

وذا تغرب ذا تهذب ذا مع هذا قلب

وقوموا محرب بملعب والمدافع في زبيد

وذا تعصب ثم رتب تب من حارب وتب

وذا تجرب ثم كذب لاجل يهدا شخص جيد

المجتمع خارب مخرب كل ما ابنيه اخترب

والسقف ذي قلنا تجبب شن والسافخ بعيد

والصف ذي قلنا مرتب طار لا عدة شعب

والمنتخب من دون ملعب والمدرب ذي شديد

حاسب حسب من دون محسب وين يامولی الحسب

وين المناسب ما تناسب والنسب نسبه تزيد

غلب وضن انه تغلب واستوت من ذي غلب

ما يغلب الولهان غالب لو عصد بقعا عصيد

وذا شغب والفسل شاغب وين قوات الشغب

وذ ا صرب جربه وخلب ما جزع شي في الجنيد

وذا سكب عنصر مركب بين جعدب يازوب

وازوب من العنصر وذوب معدنه بين الحديد

وذا كتب كتب وكتب ما كتب ربي كتب

وذا قري ما في المكتب وارسله عبر البريد

....................