قصيدة الشاعر / عبد الله
محمد زياد
حصرياً بواحة الحدا.
جواب على قصيدة الشاعر هلال عامر راحه الحياني 2/5/2014م ..
.................
ياهاجسي اسرع بغاره وسابق الأقمار
واحمل هديه في شواله من كل شي ما طاب
نرسل بها لا وسط داره مع السلام الحار
لمن سطع بهجة هلاله بضاوه المنساب
هلال عامر في مداره لصاحبي والجار
وقول باسمي كيف حاله وبادله ترحاب
به مرحباا وازن سماره بالدور والأحجار
مع الذراري والرماله ومعدنه وأخشاب
شاعر وما جاني اماره وهاجسه مدرار
حيا ولد راحه قباله ذي منطقه جذاب
بالمختصر قوله عصاره يشوف بالمنظار
ماصابنا غير الجهالة وبعده الأحزاب
الكل يحسبها شطاره والمصلحه منشار
والشعب ماجا من قباله مشدود للمحراب
واقف مع من باع كاره ماشي معه معيار
الاقلمه هي ذي بشاره بدونها ننهار
جنوب شعبي او شماله قد كان في مهباب
كانت ومازالت خياره ومدخل الاعمار
نظام ناجح من وكاله لكافة الأقطاب
البعض لا تسمع هداره هو سمنا والنار
هو كان همه في عياله بدون ذكر ألقاب
اليوم قد فاته قطاره ونوم عينه طار
قل له معي حاله وزاله لشايبه والشاب
من يطلب الناموس ناله والذل ماله باب
يابو اياد أمسك بفاره والمس الأزرار
ابعث جوابي في عجاله بواحة الأعناب
....................
0 تعليقات