ياغبن قلبي من فراقه قهري
جواب علي قصيدة الشاعر علي احمد ابو هويده ...
..............
ياغبن قلبي من فراقه قهري
ياغبن عاشق قد نفد في صبره
ما حد صبر في المملكه سع صبري
والقلب يشعل نار في ذا الفتره
حنيت ما حن الرصاص الجفري
ماحن يوم الجن حال العسره
ما المغترب في وسط همه قري
يشتاق لو سافر بلاده مره
حنين قلبه وين رايح يسري
ضيع حياته بل وضيع عمره
البعض في شغل الشرك والصخري
واحنا على سوبر وفك الصره
دوامنا من سابعه من بدري
تطلع على حفره وتنزل حفره
والبعض بايع والمراقب يجري
وكل من في مهنته في وكره
والمشكله كلين هارب فري
من روح روحه قد قلبها بوره
امانة الله يا المفارق شوري
ضويه ولا به للمفارق عذره
ظالم حبيبك في عصور الدهري
ولا معه منك زيارة دوره
ما حد لحد ضري ولا نا ضري
كلين له مكتوب خيره شره
سافر وخل الكذب لو مضطري
تلقى حسِين الوجه بعد الخُضره
قوامها مثل العصاة السحري
مولي العيون الناعسه في اسره
والصدر لا بطناج كنه كوبري
والصدر لا بطناج كنه كوبري
فيه الفواكه من رحيق الزهره
والعنق يشبه للغزال البري
يا محسنه لا لف عنقه عصره
خده طبيعي مثل لون التمري
والوجه صافي ما عليه الحُمره
والمبسم المحمر دمه يجري
شفاتها جمره تطابق جمره
يامن نوى للتفرقه والهجري
لا يرحمه ربي ولو في قبره
ما فايده يامغترب للفشري
لاجاك عزرائيل وقت السكره
من السعوديه انا متبري
لا خيرفالدجله ولا فالغتره
كم فرقت خلان وانته تدري
جابت علينا البهذله والطفره
وجوها يابوهويده يزري
لا راحت الغبره تجينا غبره
ولا المطر فيها وناهض حجري
يالعنبوها ارض ويش القفره
............
