حال الشاعر / صالح احمد محمد الشغممي

سلامي لمن في الصف ما بارقه زغف

حصرياً بواحة الحدا. في احد الاعراس في ثوبان ..

..............

سلامي لمن في الصف ما بارقه زغف

وما يدكم الراعد وما شنت السحاب

لغمران تتهاتف متي الذايبي سقف

ووقت المهمه يخرجوا في غُدر وزاب

وذا قول ذي جالس على العهد ما اختلف

وعارف كثير الناس من يوم انا شباب

ولا اصاحب الا الجيد ذي صحبته شرف

كما الجيد في وقت المهمات ما يخاب

ولا اساير اصحاب المصالح ولا الحرف

كما صحبة اصحاب المصالح كما السراب

في اول صحبهم يسووا القات في ملف

ومن هو مقدم قال ما بيننا حساب

وفي التاليه في صاحبه يوصل الطرف

ويحسب عليه القات والاكل والشراب

يقول ان عنده مبلغ اداه له سلف

ويحلف لحتي يقنع أصحابه القراب

وقاموا بني عمه معه بعد ما حلف

وكلين يسوى مترسه عند كل باب

ويا اهل العقول كلين يوبه من السرف

ومن صاحبه غلطان رده الى الصواب

توحد يمننا في المبادئ وفي الهدف

ولاذا من المهره ولا ذاك من وصاب

ومن يشتي التخريب ما احنا معه بصف

ومن يشتي السلطة تقدم للانتخاب

ديمقراطيه كلين في مركزه وقف

ولا عاد شي سلطه بتعيين وانتداب

وصلوا على المختار ما بارقه زغف

وما يلمي البارق وماشنت السحاب

..................