سلام مفعم بالمحبه والأنامل تكتبه
موجه للشاعر حسين صالح الغيثي
...........
سلام مفعم بالمحبه والأنامل تكتبه
من قلب حبه وافتخر واعتز به عمي حسين
ياهل ترا في عبدربه خير يبقا منصبه
أم جلسته قايد لشعبه شر واعمی كل عين
............
زامل الشاعر / حسين صالح الغيثي
جواب على زامل الشاعر يحيى مقبل ضروه
..
.............
يامرحبا ذلحين قطبه واثني الترحيب به
قول ابن مقبل من صفى قلبه حروفه يعرفين
الشعب في حنبه وحكم المؤتمر ذي خربه
وأرث النكبه و ذي خبى علي قذا بدين
قد عودته للحكم كذبه بعد ذي قد سببه
وضيع الصعبه قفى ماكان ياكل باليدين
وعبد ربه هو علي ذي قال ماغر يعقبه
واصبح حجر عثره على دربه وقال انته منين
...............
قصيدة الشاعر / يحيى مقبل ضروه العليي
جواب الحواب ....
..............
جواب ما اقبه تراجع في كلامك واحسبه
علي بطيبه سلم الكرسي وكفيتو هرين
ياذي هديتو راس حربه في دمار المركبه
بداية اللعبه سببكم يوم الأحزاب ألتقين
جعل لكم حصبه علی تغيير سيتو شقلبه
ذي ورثه قمتوا بنهبه والغواني يرقصين
واحد فعل صبه وواحد معتصم في قعطبه
والباقيين ضربه امام الجامعه أين أنت وين
بالشال والنقبه تلاقوا زوّجه قال اخطبه
يومين والهربه وبعدا كم صبايا رملين
عد شي معاكم دردبه غيره لغبنا دولبه
المؤتمر حزبه وبعده كل قرن اعصر وزين
لجل الوطن ساكت علی غُلبه ويعرف واجبه
لاتأمن السكته تنبه يوم يقضی كل دين
زعيمنا اشبه بالأسد نايم ومدي مخلبه
وفي يده جرمل وابوقُبه موحد دولتين
اتقبل الكعبه وعبتوا فيه والله جنبه
ومن قضا نحبه وهو ساجد له الحور احجرين
دمرتوا النوبه ولابه امن حد زد حس به
ومن شماله لا جنوبه قتل حتی في العدين
ماشي لكم رغبه ولا استرتو تضمو كهربه
باسندوه لاهي يدور مكسبه بالدمعتين
باقي لكم هبه فشل ذارع من اول تجربه
ماحد يصدق ثعلبه لا وين قادتكم ولين
.................
زودنا بالزوامل الشاعر علي احمد ابو هويده
..............
