القعشمي قال عندي للوفاء مقياس
................
القعشمي قال عندي للوفاء مقياس
اعرف به الناس واقيس الصحب تقيوس
والناس مثل المعادن والرجال اجناس
وكل صاحب ودورة عندنا ملموس
البعض مثل الذهب غالي ومثل الماس
غالي بطبعة وبأخلاقه وبالناموس
والبعض يا ناس ما له في الوفاء مغراس
ذي مثل هذا شبيه الهم والكابوس
لا تعتقد خير في المغرور والهلاس
مهما نفش ريشه الناعم كما الطاووس
بعض المظاهر تغر الناس يا ابن الناس
لا تنخدع في بريق الوجه والملبوس
لو تفحصه با تشوفه معلن الإفلاس
وجوهره لو فحصته مبتلي بالسوس
ماله في العز موقع لا ولا له ساس
من القيم والشهامة والكرم مطموس
للمصلحة والمطامع والجشع دساس
يبيع الاصحاب مثل الخاين المدسوس
لا احتاج لك با يبوسك في الحفا والراس
على الركب با يدني بوس الأرجيل بوس
وإن اكتفاء من جهاتك با يصيع الرأس
وبا يعنن ويرفع راسه المنكوس
وان شي مواقف فمثله ما يشد الباس
ولا مع أبوة شيمه او وفاء مغروس
يهوا الفساله ويهوا النصب والبعساس
ويترك القدو ما يمشي سواء المعكوس
ما قد فعل شي جميلة موقفه دساس
في المجتمع مثل هذا نحيبه فيروس
فيروس معدي يجيب الهم والوسواس
لا قد دخل جسم خلا صاحبة مهووس
والجيد بالجود ما با يعلن الإفلاس
والقبيلة والشهامة موقفه محسوس
بكل خصله حميدة دايما ينقاس
الجيد تلقاه في المعجم وفي القاموس
الجيد تلقاه في البكره وفي الغلاس
شامخ شموخ الشوامخ بالوفاء محروس
ما عاب أو خاب عنده للنقاء متراس
وللصحب نبع صافي موقفه مدروس
لا غدر الليل عرفة للصحب نبراس
يداوي اوضاع قالوا حالها ميئوس
وأزكا صلاتي لطه ما نفح نسناس
على محمد نبينا الخاتم المحروس
..............
