ياكثرها الدله وكثر الفناجيل
................
ياكثرها الدله وكثر الفناجيل
واللي معه دله سقا بنها
الناس
وأنا دلالي تنفح البن والهيل
من خمر شعري اسقي الناس
بالكاس
شاعر أذا جاشت خيول المراجيل
أسرجت خيلي مقصدي آخذ الكاس
والفارس اللي ما عرف صهوة
الخيل
ما ينفعه سيفه ولا ينفعه
فاس
عندي معاني تنتقيها الغرابيل
تمطر من أعماقي مشاعر واحساس
ولي معاني كالطيور الأبابيل
أرمي بها الأعداء وأذيقهم
باس
ماجيت أسولف بالقوافي ولا
اكيل
أبلغ كلام اللي أذا جاك
حساس
والهرج لا قد طال عن حده
يميل
يخرج عن المعني وعن كل
مقياس
فهم الكلام ماهو بكثر التعاليل
بعض المعاني الغامضه مالها
ساس
اما الذي ماله في القال
والقيل
يعيش عمره مشتري راحة الراس
واللي معه هاجس يقاديه
بالميل
من قبل ما يحنب للسانه
بالأضراس
والشعر حكمه والذي مامعه
حيل
لاعاد يكتب شعر يكفيه رفاس
واللي معه شمعه تضويه بالليل
أحسن من اللي عاش ليله
مع الياس
قال المثل لا تبن بيتك
علي السيل
لوجاه بايجرف حجاره مع
الساس
واللي غطاه السقف وفراشه
الزيل
في جوف ليله بردها يكتم
أنفاس
يمسي حليف الهم والغم والويل
يمسي وعينه ساهره مابها
انعاس
ومن زرع بذره بموسم محاصيل
يحصد ومن خالف لها يحصد
إفلاس
واللي معه جربه علي نهر
أوغيل
ترابها أغلا من اللؤل والماس
هذا وصلوا ما تحن التراتيل
علي محمد خير مبعوث للناس
...............
