شعب اليمن قد طاح في حفره وغرد بالصياح
حزن على الاوضاع الراهنة في وطني الحبيب
بعد جريمة سيئون في حق الجنود ...
..................
شعب اليمن قد طاح في حفره وغرد بالصياح
وقصوا الاجناح كمن فسل ما عنده ضمير
يااح قلبي اح عليك ياموطني ذي فيك جراح
واش ذنب ذي قد راح دمه يذبحوه مثل العقير
جرعه من السفاح يقتل شعبنا قبل الفلاح
ويطاير الافراح وكم مسكين عايش في السعير
النفط هو سراح للمسؤول واصحاب السلاح
والشاقي المنضاح ماشي له ركوب الا الحمير
....................
زامل الشاعر / ابوعرمان حفظ الله ابوعسر
جواب وتعقيب على زامل الشاعر محمد عباس
ابو عسر ...
................
يامرحبا الجراح قد حطيت يدك في الجراح
وابوعسر قد صاح وانا صحت والغاير يغير
ثوره بها الاصلاح قاموا قلت يالناس الصحاح
بالسلميه نرتاح لكن ما تفيد عند الحمير
بانجني التفاح لكن بدو لها بالرماح
جتنا كلاب ياصاح من صعده تنادي بالنفير
.................
زامل الشاعر / ابوخالد الكميم
جواب وتعقيب على زامل الشاعر محمد عباس
ابو عسر ...
...............
ترحيب يانطاح جبال العاليه والضياح
ما نوّر المصباح في ليل اسود مرير
قد شلوا المفتاح وخلو ابوابه بواح
وللسرق مسراح وين جو حراسات الغفير
لوشي نظام ياصاح ان الشعب عايش بارتياح
لا حزبيه لا اصلاح وبالقانون نحدد للمصير
يكفي دما واجراح وتخريب الوطن بعده نياح
والشعب شمه فاح من كثر نومه في السرير
......................
زامل الشاعر / خالد شفلوت
جواب وتعقيب على زامل الشاعر محمد عباس
ابو عسر ...
.................
ما حد بها مرتاح ذا الدنيا قدي عيشت رباح
بي شلحوا شلاح قدي غاغه ومعصوره عصير
كم جهدنا صياح ولابه فايده من ذا الصياح
ما زد نفع طفاح ولا المسؤول ولا حتى الوزير
..................
زامل الشاعر / موفق الجشمي
جواب وتعقيب على زامل الشاعر محمد عباس
ابو عسر ...
..................
يارب يافتاح دعيتك عد هبات الرياح
عوض لنا ماراح ويسر امرنا انت الكبير
قد شعبنا في الطاح بي كافح على نفسه كفاح
قد ذبحوه ذباح وهو ساكت يشوف ايش الاخير
....................
زامل الشاعر / ابوخليل مياس
جواب وتعقيب على زامل الشاعر محمد عباس
ابو عسر ...
................
يا مرحبا النصاح ملا المرياش والقاع الفساح
بالقفل والمفتاح خصيت به شاعر قدير
ذي هاجسه يرتاح قلبي وحيا كل صاح
واللوم في طفاح ذي سواء لكم عيد الغدير
لاحد يلوم اصلاح من غيره ينادي بالصلاح
تعبو لكم لماح وانتوا ما فهمتوا ياخبير
الحوثيه تشتاح وتدمر ودينه هو سفاح
والدين نصه راح وين العرب وين الضمير
...............
زامل الشاعر / بسام الحجاج
جواب وتعقيب على زامل الشاعر محمد عباس ابو عسر ...
...............
ياطب للأرواح قولك جاب للقلب انشراح
وقطب الاجراح واعلن للعداء صوت النفير
كما اظلمت ياصاح باتشرق شعاعات الصباح
وترحل الاشباح نحو الهاويه بئس المصير
......................
