ابـدع بـرب المُـلك واحـد احـد
قالها قبل 25سنه عندما حصل بينه خلاف هو ونسيبه وولد عمه علي عبدالله محمد
القوسي: وكانت زوجة الشاعر حانقه في بيت اخوها وتمنّع من ردها وتشارعوا على يد الشيخ:
يحيى بن محمد ووصلت القضية الى زعل كبير في الاخير سافر صالح محمد السعودية.. وبعد
سبعه اشهر ارسل بهذه القصيدة،،...
............
ابـدع بـرب المُـلك واحـد احـد
صالـح بـدع بـه في مـقـالـه
رحـمـان لـّم يـولـد ولا لـه ولـد
سُـبحـان يامـولـى الـجـلالـه
يـارب يـا فـكـاك كُـل الـعُـقـد
عـبـدك دعـاك جـاوب سـؤالـه
وانـا احـمـدك يـارب عـد الـبـرد
وعــد حـبـات الـرمـالـه
قال المُـعنى طـار نـومـه وصـد
من الـبواطـل ضـاق حـالـه
مـدريّ ليـيش النـوم مني شـرد
والـقلب قـد زاد انـشغاله
يامـرسلي قم شل هذا الرصد
ذلحـين مـش وقت الفسالـه
في طـائـرة صنعاء مطار الـجند
وانا علـيا ادفـع نـوالـه
واسأل على ذيب الخلاء وين عمد
با يـوصـفوا لك ويـن حـلالـه
لا عنـد عولـه يكٌرمـوا من وفـد
ولا يـحبـون الـخمـالـه
وجـبهُم من عطر عاده ورد
رشّـه على كوتـه وشالـه
والـفُل والكاذي وعـوده ونـد
من الـنسيب هذا جـبالـه
والقات ما قـد ورّدوه للـبلـد
يـدّوه في داخـل شـوالـه
حـرام ما مثل الجمالي يٌـجـد
كـلا ولا حـد من رجـالـه
وعـاد عبد الرب شبل الأسد
أثـار هو عـبده ويـالـه
وقُـلهم من صالح اقـطع بـحـد
قُـل قال يـكفـي ماجـرا لـه
واحـنا عـيال العـم أبّـاً وجـد
وصـالح افـعل لـه جـمالـه
لـجلك تـحـمّلت الـوجـع والـقُـهد
وسـار كُـل اغـبر لـحـالـه
لـجل الـنسب صالح نـقظ مااعـتمـد
وخـوف لا يـظلـم عـيـالـه
صالح مـحمد قـد نـوى للـسـدد
لـجـل الـمـخـوّه والـزمـالـه
وانـتـه مـديـر الـكُل وانت الـمرد
وجـرمـلي صادق فـعـالـه
ذي فـاقت الـشرفاء وفـاق الـكنـد
والـعـزّ في راس الـصمـالـه
وكـوت صالح فـ الـشتاء لا برد
ولا بـرد فـانـتـه دفـالـه
لكن علي صـدّق كـلام الحـسد
خـلّـوا علـي قـرطـب رحـالـه
خـلّـوه يـوم العيد سافـر وشـد
وابلـيس دخّـلـنا حـبالـه
مضى علـيّا شـهر كُلّـه نـكـد
وكُـلّهـا ايـامـه فَـوَالـه
والـعيد بـطّلـناه لـجل الـعـند
وفـرّحـته لا لـي ولا لـه
عـيد اللي القا قلب صالح غُـدد
ولا عـرفنا بـحـتفالـه
حتى الـطلي في البيت ما زد قـعد
تـمـرّقـه يـحـيى بـهـالـه
والآن قـد لي سـبعه اشهر عـدد
صـابر على حُـكـم الـظـل الـه
لـولا انـت ما وطّـيـت راسـي لـحـد
لـوحـد طـلب قـيّـمة بـيـالـه
ومـا مضى ياصـنو ماعـد يُـرد
صـالح صـبَر فـوق احـتمـالـه
من لامـني مـلعون ولاّ نـقـد
ولاّ حـسب شـعري خـبالـه
صالح محمد في الـعويله قصـد
وارسـل لـكُـم زامـل وبـالـه
وانـتو عـسى تـعـفوا لمن قد نـشـد
ولاّ فـهو مـغـنـى قـلالـه
صـلّيت من لسني وصلى الـجـسـد
علـى نـبـيّ الله وآلــه
الـهـاشمي ذي وسـط طيبه عـمد
ذي خـصّـه الله بالـرسـالـه
..................
زودنا
بالقصيدة الشاعر ابو صبري القوسي
