هواجس المفتاح حدد موقعه
بتاريخ 22/8 /2014م ..
....................
هواجس المفتاح حدد موقعه
يلعب بقيفانه على ذلق السيوف
بالقصد متعمد يأشر باصبعه
وحط منشوره على راس الشلوف
كم لك على الصفحات تدعم رابعه
جرعه ورا جرعه وعينك ما تشوف
احكم كلامك زين والعقل اجمعه
كافي تبرر لي وتحكم بالظروف
ثوره وصرخة شعب بأذنك تسمعه
وكل ثاير حر في الساحه وقوف
لابد ما الخاين يواجه مصرعه
اكل ضمار الشعب والباقي عطوف
وانا قسم بالله ما اروح اتبعه
الحر ما يبتاع بارقام الالوف
ما همني دينه ولا اخشى مرجعه
النصر للإسلام في رغم الانوف
العسكري في الجيش نزل مدمعه
في ضل ثورتكم ذُبح مثل الخروف
من الذي باعه ومنهو نصعه
من ضيع المجهول واسمه في الكشوف
هذا كلامي جاك دوّن واطبعه
تصدر المعنى على نص الحروف
من قبل ما تنزل عليك القارعه
قد قاله الشعار دقي يا دفوف
..............
قصيدة الشاعر / وسام الشلوف
جواب على قصيدة مفتاح الاسرب المغدي ...
......................
قــال الشلوف انـي أراها يانـعه
روس الخوارج واقترب ﻭﻗﺖ القطوف
ﺍﻟـﻨﺎﻓﺮﻩ ﻭﺍﻟـﺰﻣـﺮﻩ المتشيعه
ومن عليهم ضلل العقل السخوف
مفتاح واحد منهم بانشفعه
هو صاحبي وانا على امثاله رؤوف
شخص اجودي والشعر عنده صمدعه
وحب يتسقى الادب من فيلسوف
واتعهد انه لا رفع صوت اخفعه
هو ممتثل لي دايما رغبه وخوف
انا عفيته خوف مني لا ادبعه
لكن رجع جلده لكرباجي ﺷﻐﻮﻑ
المعرفه مكيال واحنا فالسعه
ومعرفة ناصر علي صامت عطوف
ما كان ودي نـقحمه في المعمعه
ماغير ب احفه من اطرافه حفوف
واعدله عن غيهم واراجعه
واهل المعارف ماتلوم الا عروف
الحر مايرخي لخاين مسمعه
ويرهن افكاره وعينه ﻣﺎﺗﺸﻮﻑ
ثاير على ثاير لماذا نتبعه
واهدافهم متقاربه عيفه ﻭﻋﻮﻑ
رموزها خلف الكراسي طامعه
وبعضها تهدف لتفكيك ﺍﻟﺼﻔﻮﻑ
قمنا مع الثوره سوا في الجامعه
وكان موقفكم مناهض ﻟﻠﻮﻗﻮﻑ
والمؤتمر لا شاف ثاير يقمعه
وحلقت فوق الخيام الانتنوف
وحصل المخلوع ضربه موجعه
سقط نظام العايله بين ﺍﻟﺤﻠﻮﻑ!
وألتم شمل الضاره بالنافعه
وكان ﻭﺷﻢ الحزبيه بين ﺍﻟﻨﺠﻮﻑ
مع الاسف كانت مجرد زوبعه
طموحنا انهارت مع رفع السقوف
وكان ﻫﺎﺩﻱ حل مجبور اتبعه
واختارته في المجتمع كل ﺍﻟﻄﻴﻮﻑ
واليوم ﺑﺎﻧﺼﺒﺮ ولو به ﺻﻴﺮﻋﻪ
وننتخب غيره بميعاد ﺍﻟﺰﻓﻮﻑ
اما اننا نزحف مع المتشيعه
لا والذي منزل مخازين ﺍﻟﻘﻨﻮﻑ
معروفه اهدافه وﻣﻨﻬﺞ مرجعه
تاريخه الدامي مدون في الكشوف
استدرج الجهال وانضموا معه
ﻭناس من خلفه يدفونه دفوف
والجيش شامخ مرتزي في موقعه
حامي حماة الدار من فوق ﺍﻟﻨﻴﻮﻑ
واحنا وطن نبضاته المتسارعه
لن ننثني يا مستغلين ﺍﻟﻅﺮﻭﻑ
باﻧﺪفن الخداع في مستنقعه
وندعسه تحت الحوافر والضلوف
.....................
