سلام مني للاديب المصري
موجه الى الشاعر الكبير وليد المصري ابو راكان ...
...............
سلام مني للاديب المصري
ولكل شاعر معتبر في شعره
ياهل القوافي ذي تثلج صدري
واهل الشروع الواقفه فالعثره
قال النصيري فُك ياخي اسري
نفسى عليله بالاسى والحسره
ما اشاهده فالشعب كاسر ضهري
والعظم واهن والكبد مصفره
ياخي كما لك قدر شرف قدري
كي ندحر الخاين وندحر شره
الطايفيه يا أخي ما ندري
ماذا تروم احداقها والنظره
وانته وانا محنا لبوهم سُخري
احنا شرار الحريه و الثوره
يرحم عضام القردعي والعمري
وابن الزبيري يرحمه لا قبره
يزداد فيهم والثلايا فخري
وفخر من فخره مدسم نحره
اطلق سراحي يا اخي شد ازري
نعيد للشعب اليماني قدره
...............
زامل الشاعر / وليد زيد المصري (ابوراكان)
جواب على قصيدة الشاعر القدير محمد عبد الله النصيري (ابوثابت)
............
قال الفتى المصري قوافي شعري
بك رحبت والورد يسكب عطره
تقدير لك يابن النصيري حصري
يا نجم متوهج وشاعر عصره
وضع البلد يشعل مساحة فكري
والبيت عجزه يكتمل في صدره
شعب اليمن فيه الأسى مستشري
وإنقسامه معتني في قهره
الحزبيه باوصاف عده تغري
لكنها ذي سوت أكبر حفره
للمجتمع بالفلسفه والمكري
والحقد ذي خلخل كيان الأسره
والطائفيه نهجها متعري
من التقارب والإخاء والنصره
ارست عداوه بيننا من بدري
واليوم نحصد سوء تلك البذره
لن نتحد مادام فينا يسري
نهج الخطاء والدم يرخص سعره
ظلامنا يقهر شعاع الفجري
والليل طالت مدته والغدره
يا صاحبي رأيك يعزز نصري
والمجتمع في يد غيره أمره
وآنا معك في كل موقف دغري
لأجل الوطن بالميمنه واليسره
هذا ولك يابن النصيري شكري
وهاجسي فيكم تضاعف فخره
ذكر النبي ما رن صوت القمري
وما سجع طير السماء في وكره
..............
){kind=link}