٢١ سبتمبر لصنعاء كتب
عن ما حدث لعاصمة اليمن صنعاء بتاريخ 21سبتمبر 2014 م ..
...............
٢١ سبتمبر لصنعاء كتب
تاريخ واحداث معروفه لشيبه وشاب
يوم اصبحت فيه محكومه بقانون غاب
فيه الدقيقه لمن يكتب بداية كتاب
يوم انكشف فيه زيف الاوسمه والرتب
والجيش والامن والدوله مجرد سراب
من قال به جيش او شرطه معانا كذب
وما جرى امس يعطي للمنافق جواب
في ظرف ساعات والقوات مثل الكسب
امام بندق قبيلي سلمت والهراب
واحد بلا درع اوخوذه وهو من غلب
ذاك المجهز بمليارات غير الكلاب
كم يامدافع ودبابات كم ياجعب
وكم صواريخ موجوده بروس التباب
اين المعدات ذي كانت لفض الشغب
اين الطقومات اين الاجهزه والثياب
ماقد سمعنا ولا شفنا لهذا العجب
هيلوكس واشخاص تهزم جيش مثل التراب
الا اذا كان تسليحه بنادق قصب
شبيه للبندقيه او مصايد ذباب
اوربما الوقت ثاني والزمان اقتلب
والجيش والامن لو واجه ينال العقاب
ومن يسلم سلاحه اوهزم اوهرب
يكافوه القياده والبقيه دواب
بدون تبرير ماشي جيش قولو وجب
هو في الكشوفات والدوله كذلك غياب
الحل تسريح للقوه ودون العتب
والشعب كله يطالب بالحساب الحساب
للجيش والامن والدوله وبعض النخب
هذه فضيحه ولا يمكن نرمم خراب
يكفي مية الف موجودين تحت الطلب
نبني بهم جيش والقانون فصل الخطاب
ياعسكريين قولوا واطرحوا لي سبب
يدخل قبيلي معسكر واقتحم كل باب
يسحب مدافع ودبابه وهو ما ضرب
وينتقل للمواقع واستحل التباب
..............
