بو حمد قال ياجمهور ثابت وشايف
موجهة لشعراء يافع1 سبتمبر2014م ..
..............
بو حمد قال ياجمهور ثابت وشايف
حان وقت اختيار النابغه والخليفه
ثورة الشعر لا للحزبيه والطوايف
سنة الكون في التغيير للمستضيفه
يافع العر تجمع شمل كل الواليف
والتنافس مشرع دون ايت كليفه
والعدد قد يكن ون تو ثري فور فايف
من ترو يستحق الفوز وايضآ وصيفه
صوتوا له على ازال او عبر لايف
او على موقعه في النت او في الصحيفه
منهم فهد ابو متعب وساره ونايف
والبقيه من اصحاب العقول النظيفه
رغم شعبيته بالحق لا امر زايف
انما لا يزل في الشعر يجني صعيفه
له جماهير للشر فهد هبو نكايف
ياترى حب والا له مواقف طريفه
لكن المشكله لا ضل جعموم خايف
مختفي يرتجف قلبه وظله يخيفه
بعد تهديد طايش صار للنوم عايف
واجبره عالتراجع خاف يلقى حتيفه
بعدها ما رعد راعد ولا سال جايف
لا ولا شفت براقه لما من قنيفه
ذا خرج فصل والثاني لزين الوصايف
بنت مايو ستبقى حبنا والوليفه
خدها ابيض وشعر اسود وحمرا الشفايف
والوفاء طبعهإ حاشا تخون العفيفه
ضلت الوافيه من بين كل السلايف
لبستهن حرير اصلي وهي بالقطيفه
ربت ايتام كحاينين غبر نتايف
عاشوا ايام سودا والليالي عصيفه
وانكروا عطفها ياللخزى والحسايف
يوم شبوا وشافوها بحاله ضعيفه
بعد ما درستهم وانعموا بالوظايف
ادعوا بآنها ياناس خاله عنيفه
سترتهم وغطت عيبهم والكشايف
عاملتهم بحنيه وكانت لطيفه
وانت يافهد منهم في السنين العجايف
يوم كنته تطوبر لجل حبه رغيفه
لا متى العقل بايبقى مصلب وناشف
قدرو وضعكم يهل العقول السخيفه
لاهنا با اكتفي واقول للفهد اسف
تنفصل تفصلك حد النصال الرهيفه
...............
){kind=link}