سـطّري يامـلاحـم عـهد بالـدم الاحـمر
26 سبتمبر 2014م ..
..............
سـطّري يامـلاحـم عـهد بالـدم الاحـمر
وأكتـبي ما حـدث تاريـخ يُـقرأ أثاره
ثـار برگان في الـشعب اليماني وثـوّر
وامـطرت في سماء آزال شـبه الـمطـاره
حـرب شـعواء بـدبابه وقـاذف وهـوزر
والـصواريخ تـقصُـف وسط صنعاء الحضاره
عـدة احـداث تـتسارع والامـوال تُـهـدر
وانـفـلاتــات أمـنـيـه أداره أداره
شي على الـطاولـه والأغـلبـيه مـشـفر
حـيّـرت كُل عـاقل حُـر حتى انـهـياره
گـيف تـم اقـتحـام الألـويه والـمـعـسگر
فـيدوا الـشعب كـيف اللي حصل في دماره
گيف وايش الـسبب ياقادة الـجو والـبـر
گيـف سـلمتـوا الـقوات بـبسط أشـاره
گـيف تـم أنـهيار الـجيش ما گان يُـقـهر
گـان مـشهود له في عـزتـه وانـتـصـاره
گـيف رقـصتوا وغـنيتوا لـجـند الـمـظـفر
واحـتفلـتوا مـع الـحوثي رفـعتوا شـعـاره
أصـدقاء الأمس ذي گانـوا بـساحه ومـسمر
قـد هـم اليوم أشـد اعـداء أسـف ياخـساره
أصـبحت تـصفيه في الـجنب الأيمن والايسر
واقـتحـامات بعـض النـاس لا عــقر داره
كُـل من يُـقتل الـثاني وقال الله أكـبـر
والأيادي الـخفـيّـه ذي تـلاصي شـراره
حـرب طـالت بني آدم ويابـس والاخـضـر
قـتل لـلأبـرياء في كـُل شـارع وحـاره
الله أكـبر على الـشعب الذي ماتـحـرر
گـلمة الـحق نـعلنـها من اعـلى مـناره
لانـفع بن عُـمر گـلا ولا جـمس بيـگـر
مانـفعنا الـخليـج الـحر طـال انـتـظـاره
من يـسلّـف في أخـوانه يـخُـذها مـعـشّـر
يـشرب الـسُم من نـفس الـوعـاء والـمراره
قصد الاعداء
خـراب الشعب يااحفاد حـمير
أمـنـيـّتهُم عـلى راسـه يـهـدوا جـداره
إنّـها الـحزبـيه والـطائفـيه هـي الـشـر
كـير نـاس احـرقـه والا امـتلى من غُـباره
.............
){kind=link}