زامل الشاعر / منصور عبد الله الحراسي

وجب يا الشاعر الشعبي تسارع

................

وجب يا الشاعر الشعبي تسارع

ترمم مقعدك في كل قاعه

ومن حقك على حقك تشارع

لماذا منتظر ليش المراعه

مكانك مرتدي ثوب التواضع

وظن البعض ما عندك شجاعه

..............

قصيدة الشاعر / بشير الجميلي

تعقيب على ابيات الشاعر منصور الحراسي ..

...............

يقول ابن الجميلي حرف لامع

وصلنا من أديب فيه الوقاعه

وشعر ابن الحراسي شعر بارع

يصح الله لسانه كل ساعه

كلامه في قصيده كان جامع

نصايح شافيه تعكس طباعه

وجب يالشاعر الشعبي تراجع

حساباتك وتكتب عن قناعه

وفكرك للوطن والحب دافع

يداوي جرح قد زاد اتساعه

وخليك لليمن مخلص ونافع

بشعرك لا تساهم في ضياعه

لصف الحق كن جندي وتابع

ويد الله في يد الجماعه

ونترك. للتناحر والتقاطع

وموطنا اليمن ما هو بضاعه

ولا سلعه بيد شاري وبايع

نتاجر به ومن هو جيد باعه

عليه والله ما نقبل تنازع

ولا نسمح لحد يلوي ذراعه

ورشاشتنا هي والمدافع

بهن نحمي الوطن واحنا دفاعه

ولا نقبل مخرب أو مخادع

دمه مهدور من ينوي خداعه

يكون الشعر بلسم للمواجع

وجرعه تكسب العقل المناعه

ويسعد من يكون لله طايع

لربي كلنا سمعا وطاعه

لربي بس انا ساجد وراكع

ومن يخضع لغير الله خضاعه

كرهت الحزبيه والقلب قانع

وصلى الله على مولى الشفاعه

محمد من حمل زين الطبايع

ولا به شخص فوق الأرض ساعه

.................

زامل الشاعر / علي القدح

تعقيب على ابيات الشاعر منصور الحراسي ..

..............

على مه يا اخي منصور نشارع

ومن با يسمعك من ذا الجماعه

ومن منهم لقول الشعر سامع

ومن يفهم لقولك بالقناعه

اذا القاضي غريمك من تشارع

فااحسن لك يكون عندك قناعه

...............