يقول ابن الخالدي يهل اليمن
عن اوضاع اليمن هذه الايام 11 نوفمبر 2014م ..
.............
يقول ابن الخالدي يهل اليمن
ليش الفتن وليش خراب البيوت
وليش هذا الشعب عمره ما افتهن
ما زد هني عيشه وزاده والفتوت
من المشاكل والتناحر والفتن
صارت بلادي مثل بيت العنكبوت
حمى علي بعض الشوارب والدقن
ما ينهو المنكر ليه هذا السكوت
صرنا كما الكوره بملعاب الهين
يامن لفيها وسط ملعابه يشوت
كم قد سمعنا (ايوب) يتغني لمن
هذه القناديل في عدن او حضرموت
والشعب فالغدراء وله سيدي حسن
ليل المدينه مثلما ليل الخبوت
ان شي لنا عيشه سوى من حق جن
والا قدي هي يا نعيش وألا نموت
ثوره ورا ثوره ويا دانه لدن
دامو بلادي مثلما صحن الشفوت
كلين حامل بندقه والميم ون
يشتي يشارك قبلما الحلقه تفوت
ما همهم قول الفرايض والسنن
يصلو الجمعه مع سبت السبوت
هيا قلو لي ما استفدتوا يا كُهن
من انفجار النفط وأحراق الزيوت
هو في الأخير الشعب با يدفع ثمن
كل الخساير ذي عليكم بالثبوت
لا عاد تبكي يا حبيبتنا عدن
صنعاء لها الله ذي خلق فالبحر حوت
..............
0 تعليقات