الحرف عندي شبيه البرق ذي يلمع
22 نوفمبر 2014م ..
...........
الحرف عندي شبيه البرق ذي يلمع
وأذا لمع برق حرفي هلت الأشعار
مثل المطر لا نزل سيله علي موقع
يجرف معاه التراب والنيس والأحجار
ومن دخل وسط حوم السيل شخص أخضع
يدومه السيل ويشله مع التيار
قولوا لمن يدخل المبراع يتبرع
لا يدخل ألا وهو يرقص على المزمار
ذي ما عرف كيف يتعامل مع المدفع
لا يدخل النار ويواجه لهيب النار
يجربه قبلما المحذور به يوقع
ويكون جاهز أذا جاشت عليه أخطار
ومن معه سيف لا يجرح ولا يقطع
يحد سيفه ويجعل منه البتار
من قبل يدخل الي المجهول يتوقع
ويخمن أيش الخبر قبل أن تجيه أخبار
والذيب لا جاته الجوده لها يلكع
والحر لا يجلس الا جنب ناس أحرار
والقبيله من مسك من حبلها تنفع
ومن تنجا بها ما تلحقه أضرار
والقرش من يحفظه يوم البلاء يدفع
في يوم ما فيه لا صاحب ولا فيه جار
هو صاحبك رزح ظهرك ذي إليه ترجع
في وقت أصبح هو الميزان والمعيار
أما الذي حب لازم للحبيب يخضع
ويحفظ العهد مهما كان مهما صار
فالحب نعمه وله رب العباد شرع
وله خفايا وله بين القلوب أسرار
قال المثل لا تحاكه شخص ما يسمع
ولا تدور من أعماء نور أو إبصار
وأنا كتبت القصيده للقبل أجمع
فيها الحكم والعبر ذي ترفع المقدار
هذا وصلوا على من للعباد يشفع
محمد المصطفى والآل والأخيار
...........
0 تعليقات