غيابك طال يا عمري وطول
ديسمبر 2014م ..
..............
غيابك طال يا عمري وطول
فلا تقسى عليا في غيابك
تعال اليوم نرجع مثل أول
عسى قربك ينسيني عذابك
علامك ليش قلبك قد تحول
وليش اليوم قد اغلقت بابك
وانا اللي كنت لك الحب الاول
واول سطر في صفحة كتابك
ويوم القلب سلم لك وخول
مقاليده الى حضرة جنابك
فتح لك بابه المغلق ومول
مشاعر لامست زهرة شبابك
لغيرك ما عشق قلبي وعول
على هجرك وحرقة انسحابك
لأنه خط تاريخه وجدول
لآخر يوم في جدول حسابك
.............
0 تعليقات