يا رزح ظهري يا دفا جنبي وكفي والعصب
قالها بتاريخ سبتمبر 2014م بعد ان تصايحوا هو وعبد الحميد يحيى سعد حسين
على السور الذي بناه الشاعر ..
...........
يا رزح ظهري يا دفا جنبي وكفي والعصب
يا قلعة الجانح حسبنا المربحه سارت ضمار
طاوعت خالي واشتريت الارض لكن ما حسب
اني ولد عمه بزيه عاصب اني من يكار
حني ومني بالهبه ذقت المراره والقبب
من هان نفسه هاننا ذي هنت نفسي في الحرار
ما عد ابا العيشه كرهت العيش من كُثر التعب
ولا سلمنا القهر والتهديد كم قد جاء وسار
يكفي لنا باسندوه قذا رجعنا للحطب
والقادحه لابد ترجع وتقدح بالحمار
ويظهر المجذوب والمداح يبدي بالمسب
والطار ذي يقرع وخلق الله ما حبه سبار
يكفي طمع يكفي طمع يهل المناصب والرتب
لكم سنه تتحاوروا لا قد اسبطتوا قرار
الا جرع ذي تسطروها قاتله والشعب هب
واقليم صعده خل في صنعاء وحلبه في ذمار
هو هكذا ما شعبنا يتقاصرين فيه الخشب
انما ذرعناهن وقايسنا رجعنا في شجار
ولا اوتعظنا من مذاهبكم ولا فاد الخطب
والحزبيه والمذهبيه كل من رافع شعار
ياللأسف كيف صوملونا يا عماريط الركب
ونزلوا جرعه كبيره لاجل تنفيذ الحوار
هذه هي اول ما تباشرنا بها ياللعجب
وتاليتها ذبح في سيئون والا زنجبار
...........
0 تعليقات