قصيدة الشاعر / خالد احمد مصلح غانم

قصيدة  / شاعر مجهول

شاعر من الجنوب .

.................

قال الجنوبي لو تجيبوا لي زحل

والشمس والمريخ في داخل سلال

وترجعوا الوديان احواض العسل

والبحر وامواجه تخلونه زلال

يائس من الوحده وما عندي امل

مليت من كثر التفاوض والجدال

اشتي بلادي لو حصل مهما حصل

فالعيش بالوحده مع صنعاء محال

ولله لو راسي عن الجسم انفصل

وخيروني العيش لاعلن الانفصال

غير الجنوب الحر ما اقبل اي حل

ما في تفاوض تحت حكم الاحتلال

قال الجنوبي زل زايد زل زل

زلزال بيهد الصحاري والجبال

وينطحن هذا الجبل في ذا الجبل

والبحر يتفجر ويزحف ع الرمال

وتبقا الدنيا كتل تنطح كتل

والشمس ما تشرق وتعلن للزوال

ماشي امل يا صاحبي ما بش امل

قد قلتها ياويل كبدي والطحال

صنعاء همل واصحابها ايضا همل

ما نقبل العيشه مع اوغاد الشمال

هذا نهب هذا سرق هذا قتل

اليوم ثوره ما نبا لعبة عيال

قال الجنوبي قطعوا لحمي وصل

تبقى عدن حره كريمه ياجمال

اتبع جمل ياصاحبي اتبع جمل

وخل الدجاج الحمر تجلس بالضلال

.............

قصيدة / الحاشدي

جواب على شاعر الجنوب المجهول .

.............

قال الشمالي اول الذكر استهل

بسم الله الرحمن ربي ذي الكمال

هذا قصيدي برسله حتى يصل

لا عند احمق ما عرف قدر الرجال

ما هو بشاعر لان ما عنده خجل

ما يستحي ينطق كلامآ ما يقال

الشمس والمريخ والكوكب زحل

من انت توضع لك كواكب في سلال

كوكب زحل يا نذل مش حبة بصل

والشمس والمريخ صعبات المنال

أما الزلازل والصحاري والكتل

ما حد يحركها سواه ذو الجلال

وابناء صنعاء ذي بتوصفهم همل

واوغاد ما تسوى صنادل للعيال

صنعاء مدى التاريخ اسيادك وسل

منهم اسود الحرب وقت الاقتتال

اما الرجال الحمر ياصندل ربل

مازالوا اسيادك وهم فخر الرجال

قال الشمالي صل زايد صل صل

صلصال يدفن من يريد الانفصال

اقسم برب الكون لو تمطر عسل

ما ننفصل لو نهر من الدم سال

يبن الجنوب الليث ما يرجع حمل

والبنت ما تصبح ذكر هذا محال

لو كنت راجل هات اسمك والعمل

وحط رقمك والتفاصيل في عجال

واعلم بان الشعر في دمي وصل

ونبض قلبي ضخ ابيات ارتجال

...........

قصيدة الشاعر / خالد احمد مصلح غانم

جواب على قصيدة شاعر الجنوب المجهول ..

.............

قال ابن غانم با اسرد اقوالي جمل

لأجل الجنوبي ما معه عندي مجال

عبر الثريا عبر موجات الدقل

والبث جاري في خطوط السنترال

يا مرسلي وصل حروفي في عجل

مضمونها ملطام في الدرشوم عال

لا عند من سمي جنوبي معتقل

سابح وهرجه زاد في قيلت وقال

يشعر على يدين وسخه ما غسل

راكب على اشعب في متاهات الخيال

احنا اليمن تبقى اليمن طول الأزل

والوحدة الشما لنا هي راس مال

دام الحدا ذي حلها اذياب العول

نحمي حمى صنعاء عدن حتى الطوال

والشمس والمريخ عينك ما تصل

الخمر والدسكو بدستورك حلال

كنته عبيد اصنام يا عابد هبل

في دارسعد الراقصه والكرنفال

والجيب خالي بالدراهم والهلل

في حكم نازي كنت ما تسوى ريال

لاما الشمالي حررك قلنا لعل

تفهم بيوم البيض شارد واستقال

واليوم جيته لي تقلد لي بطل

لاتأمن البسه ومن مكر الثعال

دام الشمالي للطريق الصح دل

با تشرب الحنظل وعلقم في الدلال

يانفس ابوليث المخضرم والمقل

لا تحزني من سار في درب الضلال

عاد المعدل ذي عبواته دبل

في قبضتي والذايبي في الاشتعال

لو ما بقي معبر وباروته عطل

ما ننفصل يا شوم لو إذن بلال

.............

زودنا بالقصائد الشاعر خالد احمد غانم