قصيدة الشاعر / محمد علي القوسي (ابو صبري )

من عـالمي روح سـافـر لك بـأيّ اتـجـاه

5 ديسمبر 2014م ..

...........

من عـالمي روح سـافـر لك بـأيّ اتـجـاه

غـادر حـيـاتي حـذاري لا تـعـود اتـجـاهـي

أرحـل مـع الـجن قـلبي مـا انـت من مـستواه

لـي قـلب مـخلـص ومـتواضع يـذُمّ الـتـباهـي

كـرهـت اشـوفـك ويـشـهـد ربـنا من سـمـاه

كـرهـت حتى اذكر اسمك يـلفـضـينه شـفاهي

قـنعـت من عـشرتـك لو كُنت مـاء الـحـياه

أفـضّل الـموت عن قُـربك وكُـل الـدواهـي

لـو كـان حُـسنك يـنافـس للـقمـر في حـلاه

أو كُـنت الاجـمل ولا حـد في جـمالك يـضاهـي

والله لـوكُنـت عـايـش وسـط صـحراء فـلاه

مـرتـاح من وجـهك الـخـدّاع بالمكر زاهـي

حـتى ولو كـان طُـبي والـشفاء فـي دواه

أمـرض ولا اشـتي عـلاج العوبلي والعُـباهـي

خـلاص قـلبي قـنـع مـنّـك وحـصّل غـثـاه

لاانـته ولا حـد من امـثالك يـرد انـتـباهـي

اذهـب ودوّر على غـيري لـتـجـري وراه

وقـاربـك مُـستـحيل انّـه يـعـتّب مـياهـي

كـذّاب خـدّاع يـرمـي فـوق غـيـره بـلاه

يـنكر ولا يـعترف عُـمره ولا قـال نـاهـي

اصـبحت لا شيء لا تـسـوى لـرجـلي حـذاه

ولا تـساوي ثـمن مـقـدار بـرّاد شـاهـي

نـادم على ايـام راحـت كُنت عـايش مـعـاه

الله لا عـادت ايّـامـك اسـالـه الـهـي

الـقلب من بـعد جُـرحـك راح مـنّه سـلاه

يـا مـظهر الـحُب لي وانـته مع الـغير لاهـي

خـدّاع يـا واهـم الـعالـم بـكُـثٌر الـصـلاه

تـبـعّد الـشك عن مـغـزاك والاشـتـباهـي

تـبيـع نـفسك رخـيصه يامـحـب الـغُـزاه

تـولـغ وبـالت على جـسمك كـلاب الـملاهـي

حـيـاك مـنـزوع وجـهـك راح مـنّه خـزاه

جـاوزت حـدّك تـعدّيت الـخـطر والـنواهـي

يـلعـن ابـو الـحـب منّك بـل وتـبّـت يـداه

مـا عـزّنـي لن أُمـرّغ في وحـولـك جـباهـي

خـسارة انـسـان ودّف بـه وقـام اشـتـراه

مـا يـعرف الـسـر في وجـبه لـهـا ألـف طاهي

يستأهل الـبـرد قـالـوا من يـضيّـع دفـاه

وقـالـوا ان الـدواهـي تـحـت روس الـسواهـي

...........