قصيدة الشاعر / عبد الله الحاتمي

يقول شاعر جنوبي صاحب ارادة وهمه

شاعر من يافع القصيدة  موجهة الى الشاعر الكبير وسام الشلوف ..

..............

يقول شاعر جنوبي صاحب ارادة وهمه

نضال سلمي شعاري في ثورتي التزمها

نضال راقي منظم حتى تتم المهمه

والناس في كل ساحه للان تنصب خيمها

ماهي فساله ولا هي طلب من الغير رحمه

لكن اقل الخسائر من الفرص نغتنمها

حبل الله الشعب كله بيعتصم فيه عصمه

والاعتصامات مهما تطول با نعتصمها

الحريه والهويه طموح شعبي وحلمه

ما تفرح الارض الا في يوم نرفع علمها

وبعد يالهاجس ابداء ولا تبادر بهجمه

حسن النوايا بيافع شي يعتبر من شيمها

لا ابن الشلوف الرساله توصل حسابه ورقمه

والورد مني هديه متواضعه يستلمها

لو هو يماني وباقي ايمان عنده وحكمه

نتوجه لو فهمها والعفو لو ما فهمها

اهل الحدا يحسبونه مقدامهم قدر حجمه

والناطق الرسمي اللي بالشعر يعزف نقمها

ما با نقلل بشانه وهي من الله نعمه

طبع الحدا مثل يافع ماشي بتصغر هممها

العيش والملح يبقى لليافعي وابن عمه

والوقت ما يركض الا رجال تركض نعمها

يا صاح جمهور يافع من ما سمع فار دمه

كراهيه حقد بغضاء للنفس زادت المها

من شخص كنا نعزه مصدومه الناس صدمه

مشاعر الغير حتى قليل ما يحترمها

ما عادلي نفس حتى اقول من واذكر أسمه

وجود بعض الآوادم عندي يساوي عدمها

خليت يدي نظيفه بدال ما اعطيه لطمه

ترك المجاذيم احسن ما ننعدي من جذمها

لا يحسب ان الهباله با ترفعه فوق قمه

مادمت عائش محرم عليه يصعد قممها

النمل لو ضايقتنا ندعس عليها بجزمه

ولا يهز الشوامخ من بالحصاوي رجمها

يكون في علمه اني لازلت بالحلق عظمه

كابوس عالكبد قاعد لما يطلع ورمها

وانته الى الان باقي شمعه نراها بظلمه

نتفاءل الخير فيها من قبل ان نتهمها

بين اهل يافع مقامك عالي ومسموع كلمه

يتابع الناس اروع لوحات شاعر نظمها

حوارنا والتفاوض ما ننتهك فيه حرمه

لما تجف الصحائف واليد ترفع قلمها

لا تتهمني ولا نا با بادلك اي تهمه

حتى تبان الحقائق من ساسها لا هرمها

كنا مع الوحده اول نعزف لها الف نغمه

لكن عصابات صنعا هم للأسف من هدمها

بحرب تسعين واربع بل ا ضمائر وذمه

عدوان سافر وهجمه على بلدنا هجمها

والمفتي العام حلل عرض الجنوبي ودمه

لا بارك الله بلحيه شيطانيه لا رحمها

صارت بلدنا غنيمه وجبه شهيه ودسمه

ونفطنا عائداته بين السرق تقتسمها

كم من كفاءه تهمش من بعد اعوام خدمه

وبعدما افنى حياته للأرض خدمه خدمها

بالألف كيلو أراضي نصيب صادق وقسمه

ومثلها لأبن محسن علي بصفقه برمها

ما كان يمشط بصنعاء عفاش راسه ولمه

والكوت والكرفته هي منا غنائم عنمها

ملياردير مسرع اصبح ماهيه من بيع شمه

ولا المطابخ بصنعاء يقبض ثمن من كدمها

بالله عادك تبيني اقول وحده ولحمه

ونا من الجوع ميت وانتم مللتم دسمها

المنتقم وحده الله من كل طاغوت نقمه

ارسل لهم ريح صرصر وسيل يشبه عرمها

علي خرج كالجنازه بوجه محروق فحمه

واولاد لحمر عربهم بتحتضنهم عجمها

والخط للحوثي اصبح مفتوح ما فيه زحمه

كل الكتل والطوائف بسبوع واحد هزمها

علي ابوه المفدى وفاطمه قد هي امه

يفرح بشتم الصحابه وعائشه من شتمها

من مستحيلات سبعه نكون شعبا" وأمه

ولن يفرط جنوبي بحلامه اللي حلمها

احسن لنا وانتم احسن لكم براءه لذمه

عدن لسمرا وسلمى ترعي بصنعاء غنمها

عشان تبقى المخوه ونجنب الناس أزمه

يوم البراكين ترمي من كل جهه حممها

اما الشراكه تسبب للناس اضرار جمه

والناس لوما صحيت عالناس تطرح قدمها

تم ابن حاتم حديثه بالمسك للي يشمه

وعطرها في صلاته على محمد ختمها

..............

قصيدة الشاعر / وسام الشلوف

2015م جواب على قصيدة عبد الله الحاتمي .

...................

قال السهيل اليماني ياحاتم العقل نعمه

وأهل العقول السليمه فالسلم ترعى نعمها

العز بالسيف لكن بالباطل السانه اكمه

وبندق الكذب عجما لا المعركه في خَضِمَها

اذا غريمك خشيرك فلا تشبر وترمه

من دقدق أركان بيته على دماغه هدمها

ونفس بالفصل تحلم تصحى على وقع صدمه

بالجنه اتعشم ابليس وهي جهنم عشمها

تقولوا الفصل رحمه والواقع الجمع رحمه

(قال النبي) والذي شذ في نار تزفر حممها

وحده بلا عنصريه ولا مثلث ونجمـه

احمـر على ابيض على اسود خافق يرفرف علمها

وبعد من راس يابس كرامة الضيف قُدمه

مادام انا من قبيله سيم الكرم من كرمها

يمانيه حميرية لها في الجود بصمه

للضيف تذبح من البل لا ما تواجد غنمها

ضيف الحداء ضيف غالي عبدالله الحاتم اسمه

رحبت به من لساني ورحبت به قممها

حيا بمبعوث يافع حيّا ترانيم نظمه

وأبيات مبودع شعره واللوحه اللي رسمها

من جانب إبدى انزعاجه وجانب اغتال بسمه

وحاك بعض القوافي وبعضها ما حشمها

ياهاجسي حان دورك بدد حلك كل ظلمه

و ملهماتي عليها تصدع بطيب كلْمها

استوقفي كل معنى وفندي كل كلمه

واتحري الصدق كونه بيانها في حكمها

لا تعطي الا الجزيله ما للهزيل اي لزمه

فكلمه الشخص سعره وهو يحدد رقمها

والحاتمي فالحقيقة نحو الجفاء رِن نغمه

على الملامه تهكم وصاحبي ما هكمها

حتى ولو زل مره ما يلزم انك تذمه

ومن يعيب القبايل تكسر ضروسه حصمها

الجيد يأخذ ويعطي وما يجي صوب شتمه

وعيب يذلح بكلمه لو تلتصم ما لصمها

والشيخ مفتاح الاسرب وافي براسه وغرمه

ولا عليها اي حجه عندي وانا ملتزمها

باسرح الحق وأخذ حقي في اصدار حُكمه

انا وربعي سلاحي البارزه في قيمها

وشورنا شور واحد عند العلوم الملمه

و لادعتنا المنايا على طبق نقتسمها

ولنت تبغى الصراحه بهتان وجهة تهمه !

واقحمتنا في غونها وغيرنا متهمها

ياحاتمي بعض ربعك ينزل ألفاظ رمه

والجيد كرما لعينك وعين غيرك هضمها

بالذات بعض ألاوادم عنده في الأخلاق ازمه

ألفاظه العنصريه في في كل شي يقتحمها

فشوري احنا وياكم نرعى النسب والمعمه

ونتقي شر فتنه مادام واحنا سلمها

وفصل ثاني نواكب خطوبها المدلهمَّه

من اضطرابات دوله نار الفتن تلتهما

حاكوا عليها الخدايع وكلمن ساغ فلمه

حسب النسب والفوايد يتحاصصوا من رزمها

صارت جسد شبه ميت من مالفي حط وشمه

ما شافت الا البلاوي من يوم هادي حكمها

ولن هادي منافق سهل لناس المهمه

وسيده فالمقابل دفع ثمن واستلمها

قد الحقايق جليه جدل من الصعب كتمه

اجتاحها بالترضي وجيش صالح حسمها

ولحج وابين ويافع سيل العرم بايطمه

يخلخل اعتى المباني هذا اذا ما دهمها!

اما عيال ابن الاحمر تالي نعم ناس نقمه

عاثت في الارض لاكن رب العباد انتقمها

لكل ظالم نهايه والبيض عبره لهمه

باع الوطن بالدراهم واصبح هرمها ! قزمها

واهل الحراك الجنوبي فصيل حربه وسلمه

خطواتهم في تقاصر وذي برمها برمها

فشل خططهم توضح للمجتمع عجز همه

وهم في الاصل زمره شذت وباعت ذممها

من قبلته جيب غيره ما ينثني فيه عزمه

ومعطيات القضيه لو تخدمه ما خدمها

قضيتك ياصديقي فيها من العار وصمه

بعيد تحضى بدعمي والمجتمع ما دعمها

لا تلتحف بالذرايع وتصدُق الحلم وهمه

الرغبه العاطفيه مكبله لا قدمها

حورانا حسب وصفك لن ننتهك فيه حرمه

ومخرجات التحاور بالمسك با نختتمها

في طي جزل القوافي كلام معسور هضمه

والمطلع لو يدقق في وصفها ما هضمها

يجيب تبرير واضح لثورته (حسب زعمه)

اللي عليها يراهن وجودها من عدمها

صحيح به ظلم حاصل وسمه اللي تسمه

يخص مولى المظالم لا من بظلمه ظلمها

وكل مخلوق منا ما خذ من الظلم قسمه

والشعب لا شاف راحه ولا سعاده طعمها

وراعدك ياصديقي ما شفت له برق يلمه

وجربتك ما تغطي خساير اللي تلمها

ازعجتني بالمطالب وافعلت فالخط زحمه

عندي وعندي ويافع ما كنزها الا لخمها

عجفاء ولو كان فيها حجار سودا وحثمه

والحق ينقال فيها رجال بتفور دمها

عموما الخل الواحد والسيئه لن تعمه

تحط يدك بيدي نقص يد من جثمها

و مطلب الحق شله ومطلب الباطل ارمه

والوحده اول وسيله تلزم بها والتزمها

وان كان لك شور ثاني يعكس مباديه فهمه

تظل غالي وتبقى وجهة نظر نحترمها

والختم اصلي على ذي بعث الى الناس رحمه

شفيعنا في القيامه من نار تزفر حممها

..............