قصيدة الشاعر / بشير علي الجميلي

قال الجميلي من مغيب الشمس لا وقت المَفَــذّ

30 اكتوبر 2013م ..

..............

قال الجميلي من مغيب الشمس لا وقت المَفَــذّ

وآنا على اوضــاع اليمن ساهر عيـــوني ما تنام

والشَّعـب ساكت كُل همَّه يلقط الرُّبطـــه وِخَـــذّ

في وقت مضغ القات تـلقى كل شي عنده تمام

وكم مشاريع يبتكــــرهـا بس ما واحد نَفَــــــــذْ

وفي السِّــــياسه يقلــب العـــالم ويتْــقِن للكــــلام

نهايةِ القَيــــلِه تشوف الطَّــــلّ فوقـــه والــــرَّذاَ ذْ

وبعـــد ما يبذل تشوف الضِّيق عنــده والطِّهـــــــامْ

يمن بدون القات حُــلمي والحياه اشهى والَـــــذّ

وحلم كُـــل انســان يطْمَــــح بالتَّقدُّم لا الأمــــام

يعيـش مَنْ للعُنـــف والتَّخريب في أرضي نَــــبَــذْ

ويموت مَنْ حاول يشَتِّـتْ صَفَّنـــــا بالإ نْقِــســامْ

هذه حروفي مِنْ فُــؤادي مَـنْ أخَــذ مِنْهــا أََخـــذْ

ومَنْ فِهِمْــها واحــــتَرمْهـــا لـه تِحيِّــــه واحــتـرامْ

وضـع اليمن يحتاج هِــــمِّه مَنْ شَحَذْ عَزْمَه شَحَذْ

قَــد انتهــى عصر التَّخلُّفْ وابتــدى عــصر النِّظـامْ

يــاكُلّ مُخْــلِص لليــمن ياكُلّ فــارس حُــــرِّ فَــــذّ

لـكُمْ سلا مي واحترامــي عَـــدِّ طَـشَّـات الغمـامْ

يبْــشِر بِعِــزَّه كُل مَنْ عَــــزَّزْ جهـــــودَ ه واتَّــخَـذْ

كُلّ القـــرارات الصِّحيحــه يُعــتَبَر فـــارس هُمــــامْ

واحْنــا جماعه لَيـــسْ مِنَّـــا مَنْ خَــجْ عَنَّــــا وِ شَـذّ

يَمَـــنْ تِوَ حَّـــد شعــبْ واحِــد طُـول عاماً بعد عـامْ

أنا اشهدِ انّ الأصــلي اصْلي والمَـقَـذّ اِنَّــــه مَـقَــذّ

مَـــنْ هُـو يمــاني أصل بــايخْــدُمْ بـلادَه و السَّـــلامْ

ومَـنْ يخَـــــرِّب مايفيــدَه لـــــو طَبَــــخْ و الاَّ حَــنَــذْ

أفكـــــــــــاره الحَمْقى العقيمـــه كُلَّـها تصبُح حُطامْ

كَــتَبْتِ شِعْــري مِنْ شعــوري بَعْــدِ مـا صبري نَفَــذْ

واسـمِ اليمــنْ يبقى شِعـــاري تاجْ راسي والوسـامْ

صَـــلاة رَبِّــي تبلُغ احمد مَــنْ لَنـــــا هَدْ يَــه نَــقَــذْ

عليــــــــه عليه صَـــــلَّى الله رَبِّــي فالبدايه والختـامْ

..............