جيتك وفي عيني من الشوق دافع
2014م ..
............
جيتك وفي عيني من الشوق دافع
جيتك وفي صدري من اللهفه احساس
جيتك وفاء وجيت كلي تواضع
احمل بكفي قلب ليّن وحساس
صديت عني وارتكبته مواجع
يولع شررها بين جوفي والانفاس
منك خساره صاب حلمي تراجع
وعدت من عندك يقطعني اليأس
ويجرني صوت الالم والمدامع
وكل خطوه تحتها حد الامواس
يحلا من الغفوه ونوم المضاجع
وادها من السكره ومن نشوة الكاس
ما همني لو شالني بحر واسع
ولا افتقدت لشيء كان اسمه الناس
اهم شيء يبقى لنا الحب جامع
والقا حنانك دار مبني على ساس
لجل اسكنه وانسى نبا كل فاجع
واعيش قصه علمها شامخ الراس
.............
0 تعليقات