بِسْمك يارحيم ابتدي في قولي وفي محضري
بتاريخ ا يناير 2015م وهي موجهــة إلى الشاعر
سلطــان القــايفي من عنس...
................
بِسْمك يارحيم ابتدي في قولي وفي محضري
ماعين الصواب ابتدي نظمي غيــــر بالبسمله
يامن رحمتك واسعه استـــــر عيبي الظاهري
واغفر زلة المحضري تايب أيب استقبله
ثبتني على طاعتك في قبـري وفي محشري
وابعثني مع سيـــــدي طه عالي المنــزله
اما بعد ياهاجسي هات الحرف لين طـري
من مخزوني المزدوج في الباله وفـي الـزومله
خذ من سلسبيلي فقط وان جاوزت من كوثري
والمر السقطري دعه للعـــــذال والحنظله
الغالي لمــــولى الغلاء ذي مكنـــــون عقله ثري
والهابـــــط لذي شوكته دومــــا طالعـــه نازله
وانت الان يامرسلي المفتـــــاح في موتري
زوع أغلى الهدايا معك وأتحرك مع البوصله
لا عنس اليمن وجهتـــك لا تصبــــر ولا تحتري
بعد الفجر توصل (هكر) حيث القايفي معقله
سلطان الكرم والكرم فيهــــم حاتمي حميري
والسلطان مقــــداهم في الجوده يده طايله
رمز الشعر رمز الادب بن كلثـــــــوم والبُحتري
في ميزانهم لا اوتزن تبقى شوكتــــــه مايله
من قمة جبال الحدا قال الشاعـــر المحضري
لا كامل ربوع اليمن برســــــل برقيه عاجله
ماهي برقية تهنيه بل معـــزاه من محجــــري
من دمع اعيني حبرها عن شعب اليمن بأكمله
الوضع انحدر والوطـن أسطر دم في دفتري
أحمال الإبل دحدرت بالجمـــــال والقافلـه
التغير جالس لنا شوكـــــه حانبه في المَري
ذي كال الغبش ما رضي يستقنع قفى الغربله
النــــاس ارتقوا للسماء وآنا حاضــــري غابري
ماشي فكره اتوحدت بين الضم والسربله
مبدى طائفي مذهبي عرقي منطقي عنصري
عاد احنا وَيَا أهل الجنوب يا دحبــــاش ياقرطله
والأمن انلفت في اليمـــن لا قاضي ولا عسكري
لا إيمـــــان لا ديولــــــه لا حكمــــه ولا قبيله
والدولة غدت سمسره للبياع والمشتـــري
لا اهدى الله (هادي) لنا ما اهـدى شلة المرفله
اصحاب اللحى الزايفه الكـــــذاب والمفتــــري
ساس الظلم ساس البلاء والتخريب والمشكله
يقتل بَعضُنَـــــا بَعضُنَـــا بالبشلي وبالجيتــري
والتفجيـــــر في موطني خلاهـــــا دما سايله
وزن الاقتصاد انخفض والتهجيــــر نوفمبــــري
هذا ماجناه الربيــــــــع من ثوراتــــــه الباطله
احزاب اللقاء المشترك اصلاحي مع ناصــــري
والحوثي معاهم طلع نفس الشكل والشاكله
الطارف معه قاعده حسب الحقــد وان تو ثري
للتخريب والتصفيــــــه يا تفخيـــــخ يا قنبلـه
مانا حزبي المؤتمر لا حاقــــــــد ولا عنصـري
حزب الاعتدال الوســط في الــــــدولة وفي القبيله
فلتها لكم تحكمـــوا والحوثي في القـــــودري
وأنتم من فتح مسلكه وأنتــــم من بّرم مغزُله
يا أهل الدجل وأهل البدع شعبي منكم مبتري
الاصلاح خلف الفتــــــن والارهاب لا دين له
..............
قصيدة الشاعر / سلطــان القــايفي
جواب على قصيدة الشاعر مجاهد المار ..
..............
بسم الله ذي انشا السحاب من صنعه وقال امطري
واسقى الارض من غيثها واخضرت وهي مقحله
عيسى الطفل بسمه نطق والامي محمــد قري
سورة فصلــــت والعلق والاحقـــــــاف والزلزله
اترجاه واتوسله يشــــرح بالهـــــــدى خــــــاطري
والغفران والعافيـــــــــــــه والرضوان نتوسله
قال القايفي ذي عمد حيثــــــو عامد الشغــــدري
في قمه شوامخ زبيد في عنس أسعــــد الفاضله
ياحيا مــــــلان اليمـــــن يامرحــــــب على ناظري
بالمرسول ذي زارني والبداع ذي رسلـــــــه
يا ابن المار بدعك وصل كالدكتـــــــور والمخبــــري
شّخص حاله المجتمع في قيفـــــــان متسلسله
وانا حسب ما اعايشـــــــــه با اوافيك من منبــــــري
بالحاصل وعن ما حصل بأحداث اليمـــــــن مجمـله
لعبو بالبلاد واهلهـا لعب القط والعكبري
فوضى عارمه في الوطن من سيئون لا مقوله
الاحزاب كلاتها ذا مجرم وذا مفتري
وصلوا بالبلد مرحلـــــــــه ماعد بعـــــــدها
مرحله
ازمه مات منهـا الفقيـــــر وانهار اقتصاد الثري
حاله نادره مؤلمه نسخــــــه اصل للصومله
الدوله بلا ديوله من يوم حكم خلف الذري
والجيش اختفــــت هيبته بعد الدمــــــج والهيكله
قد كانت مع المقدشـــي جاها بعده الحاوري
التغيير ضاعف لها فــوق المعضلـه معضلــــه
هادي لا نوا لاّ حــــدا يخلـــــــف له من الدايــــري
ودف بالقشيبي حميــــــد باعـــــه واللواء كنسله
واعطا للجماعه مجال تطعــــن شعبنا في المري
لاما الطايفيه نمت وازداد البنا خلخله
والارهـــاب ياصاحبي دين الله منه بري
والشعب الاصيل ينبذه لكــــن به هنا مشكله
الحوثي بما يفعله خلى شعبنـا يهتري
جنب القاعده واهلها في طلعـــــه وفي هروله
احنا نطحن والجنوب يتغدوا على جنبري
ذا خيم وهذا اعتصـــــم والمطلوب قطـــع الصله
هذا منجز احزابنا هن والرئيـــــس السمسري
ناصل في الوطـن كل شي حتى المؤتمر ناصله
اجزأ منهم في الشمــال قد ضلوا مع السامري
واجزا في الجنوب شلهــــم بن حبتور بالبلبله
واختمها بذكر النبي طه الطيــــب الطاهري
ما الحافظ لقراننا بالصوت الشجي رتله
..............
0 تعليقات