قصيدة الشاعر / محمد علي القوسي (ابو صبري)

سـاهر مع اللـيل سـاري والهم فوقي هبط

5 فبراير 2015م ..

.............

سـاهر مع اللـيل سـاري والهم فوقي هبط

بـحالي الله داري بـسر امـري مُـحـيط

والـنوم غـادر مـداري ما جُـفن عيني قفط

ما عـاد ودّه جـواري لكن امـره بـسيط

لـيلي مـعادل نـهاري ثـقيل طـوّل ومـط

كـم با يـكون اصـتباري والناس حولي غطيط

لـكن بأسطر قراري لـذي يـحط الـنقط

بـأمر منّي وزاري لـهاجسي في الـمحيط

هـاجس مـلكته ضُماري للـذبذبه يـلتقط

ولا يـطول انتظاري طلب ولا اشتي وسيط

مـطلوب حـسب اختياري للأمر عندي خلط

وفـيه زاد افـتخاري لـمّا يـجـي له عـبيط

يـهجم هجوم اضطراري في شخص له ما امتغط

ايـضاً ويعلن طـواري بـهل الـعنا والـبريط

يـجري كما سيل جاري من جاء لموجه سقط

يـصيح هل من مُجاري الآن حـان القطيط

هـاجس سياسي اداري يرقع اذا كان شط

لاعـب يراوغ يـباري مـرماه محمي بـخيط

هـاوي وطبعه فشاري يكره لـعيش النـغط

وله بذات الـصواري صـوله وينخط نـخيط

شكله شبيه انـتحاري ومن رآه انـبسط

ولا يـحب الهداري وجـرح غيره يـخيط

من عـانده راح عـاري يسفـخ ورشّه حمط

حـاذق كأنه ذمـاري ما يـقلب اسمه زعـيط

يـصبر وايـضاً يداري لكن متى نـط نـط

يـهوى ارتـفاع الـسواري ولا يـغيّر سليط

يـحب يـسرح براري والليل ما خاف قـط

حـداي هو باقـتداري ولا يـحب الـخريط

خـاله رداعي صـراري وابـوه ساكن بـرط

من نـسل زيد الغفاري ما هو مزيّف لقيط

عـايش بعيشه سفاري جـنب السمينه قلط

وان غـار اثـار الغُباري تـسمع لرجله فحيط

حـرفه عسل في قواري واللذ من لحم بـط

ايـضاً وله حرف ناري يخبط بخصمه خبيط

طـائر شبيه الهزاري من فوق الازهار حط

قلبه مـغلّف حراري اذا غضب يـستـشيط

مـا بـاع لكن شـاري ما غـرّته شي زلـط

يـهوى ولـكن يـغاري من كـسرت القرنبيط

امّـا شعاره شعاري مـبداه واحـد فـقط

يـكره لـشخص احـتقاري في الناس يزبط زبيط

كم عـاش تحت اختباري ولا يحب الـغلط

يصحب وفاء بختصاري ما يعجبه للعصيط

تـمّت مجاني ثماري في ساحل ابين ربط

كـافي وبا اركب قطاري سـلام تـم الـشريط

.............